នៅមុននេះបន្តិច បវរកញ្ញាដ៏មានឥទ្ធិពល កញ្ញា ពេជ្រ វត្តីសារ៉ាវឌ្ឍី បានប្រកាសនៅលើហ្វេសប៊ុកផេកផ្លូវការរបស់ខ្លួនថា នឹងធ្វើសន្និសីទកាសែតនៅរសៀលថ្ងៃទី ២៩ ខែកក្កដា ឆ្នាំ ២០២៥ ។
យ៉ាងណាមិញ ចំពោះខ្លឹមសារនៃសន្និសីទកាសែតនេះ កញ្ញា ពេជ្រ វត្តីសារ៉ាវឌ្ឍី មិនទាន់បានបញ្ជាក់ច្បាស់លាស់នៅឡើយទេ គ្រាន់តែកញ្ញាលើកឡើងដូច្នេះថា ៖ «សូមជម្រាបជូនបណ្តាអ្នកគាំទ្ររបស់នាងខ្ញុំ ថានៅរសៀលនេះ នាងខ្ញុំនឹងរៀបចំសន្និសីទកាសែតមួយ ទាក់ទងនឹងរឿងដ៏សំខាន់មួយ…សូមពុកម៉ែបងប្អូន តាមដានការឡាយនៅលើផេកផ្លូវការណ៍របស់នាងខ្ញុំ»។
ជាមួយគ្នានេះដែរ បវរកញ្ញារូបនេះ ក៏បានបញ្ជាក់បន្ថែមដែរថា សន្និសីទកាសែត គឺធ្វើឡើងនៅរសៀលថ្ងៃទី ២៩ ខែកក្កដា ឆ្នាំ ២០២៥ នេះ ប៉ុន្ដែកញ្ញាមិនបានបញ្ជាក់ម៉ោងនោះទេ៕
