នៅថ្ងៃទី ០៦ ខែមីនា ឆ្នាំ ២០២៥ តាមរយៈផេក AEON MALL Mean Chey បានជូនដំណឹងអំពីទស្សនីយភាពល្ខោនពោលស្រី មរតកវប្បធម៌ខ្មែរ សម្តែងដោយក្រុមល្ខោនបុរាណពោលស្រី វត្តកៀនស្វាយក្រៅ រឿង «ព្រះសមុត្រ នាងប៊ុតសុម៉ាលី» សម្របសម្រួលដោយសាកលវិទ្យាល័យភូមិន្ទវិចិត្រសិល្បៈ។
ប្រិយមិត្តអាចអញ្ជើញទៅទស្សនាផ្ទាល់ ដើម្បីទទួលបានបទពិសោធសិល្បៈដ៏ថ្លៃថ្នូរ និង ចូលរួមលើកស្ទួយសិល្បៈវប្បធម៌ខ្មែរ នៅថ្ងៃទី ០៨ ខែមីនា ឆ្នាំ ២០២៥ ចាប់ពីម៉ោង ៥ ល្ងាចតទៅ នៅទីតាំង Icon Plaza ជាន់ផ្ទាល់ដី ស្ថិតក្នុងផ្សារទំនើបអ៊ីអន ៣។
សូមបញ្ជាក់ផងដែរថា ល្ខោន ពោលស្រី គឺជាទម្រង់ល្ខោនបុរាណដ៏កម្រដែលមានតែមួយគត់ នៅស្រុកកៀនស្វាយ ខេត្តកណ្តាល។ ពិធីការសម្ដែងលោ្ខននេះ មានលក្ខណៈពិសេស ដោយតួអង្គទាំងអស់សុទ្ធតែស្រី ហើយក៏និយាយខ្លួនឯង ដូចជាល្ខោនក្បាច់បុរាណ ប៉ុន្តែខុសគ្នាត្រង់ការលើកមុខ និង បញ្ចេញសំឡេងផ្ទាល់៕
