បើគិតមកដល់ពេលនេះ រយៈពេលជិត ៣ ឆ្នាំ មកហើយ ដែលតារាកំប្លែង ខាត់ ចំរើន បានទទួលមរណភាពចាកចោលក្រុមគ្រួសារ បន្សល់ទុកកូនប្រុសស្រីចំនួន ៣ នាក់ ឱ្យភរិយាមើលថែ។
យ៉ាងណាមិញ ក្នុងនោះដែរ ក្រោយមរណភាពរបស់លោក ខាត់ ចំរើន អ្នកគាំទ្រក៏បានឃើញភរិយារបស់លោក ខាត់ ចំរើន គឺអ្នកនាង ប្រាក់ ផល្លី ក៏បានមើលថែចិញ្ចឹមបីបាច់កូនៗបានយ៉ាងល្អ ដោយមានការជួយជ្រោមជ្រែងលើកទឹកចិត្តពីសាច់ថ្លៃ ពោលគឺគ្រួសារត្រកូល ខាត់ ដូចដើម។
ងាកមកកាន់កូនៗរបស់ លោក ខាត់ ចំរើន ទាំង ៣ នាក់ឯណោះវិញ មហាជនបានចាប់អារម្មណ៍នឹងកូនស្រីរបស់លោក ដែលមានឈ្មោះថា Jasmin កំពុងតែមានដុងសិល្បៈ ដើរតាមគន្លងរបស់ឪពុក។ ក្នុងនោះដែរ Jasmin គឺមានដុងផ្នែកសិល្បៈបុរាណ សម័យដូច លោក ខាត់ ចំរើន និង ពូមីងផងដែរ។
បច្ចុប្បន្ន កូនស្រីរបស់លោក ខាត់ ចំរើន គឺមានវ័យជិត ១៨ ឆ្នាំ ហើយ ដោយក្រៅពីការសិក្សា Jasmin បានដើរតាមអ៊ំស្រី គឺ អ្នកនាង ខាត់ សុឃីម និង ម្តាយមីង គឺអ្នកនាង ខាត់ សួស្តី ច្រៀងភ្លេងការ និង ភ្លេងសម័យបានយ៉ាងល្អ៕
