គិតត្រឹមថ្ងៃទី ២៤ ខែមីនា ឆ្នាំ ២០២៥ នេះ គឺសល់ពេលវេលាប្រមាណត្រឹមជាង ២០ ថ្ងៃទៀតប៉ុណ្ណោះ នឹងឈានចូលពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំម្សាញ់ សប្តស័ក ពុទ្ធសករាជ ២៥៦៩។
កៀកនឹងពិធីបុណ្យចូលឆ្នាំថ្មីប្រពៃណីជាតិខ្មែរខិតជិតមកដល់ ថ្មីៗនេះ រដ្ឋបាលខេត្តកណ្ដាល បានជូនដំណឹងឱ្យបានដឹងថា ក្នុងពិធីបុណ្យចូលឆ្នាំថ្មី ប្រពៃណីជាតិខ្មែរ នាខែមេសា ខាងមុខនេះ នៅក្នុងមូលដ្ឋានខេត្តកណ្ដាល គឺមិនត្រូវបានអនុញ្ញាត ឱ្យមានសកម្មភាពរាំស្ទាក់សុំលុយនោះឡើយ។
តាមរយៈចំណាត់ការនេះផងដែរ បានបង្ហាញពីការយកចិត្តទុកដាក់យ៉ាងម៉ត់ចត់ពីសំណាក់រដ្ឋបាលខេត្ត និង ទទួលបានការគាំទ្រពីសំណាក់បងប្អូនប្រជាពលរដ្ឋក្នុងមូលដ្ឋាន៕
