នៅថ្ងៃទី ១៧ ខែកុម្ភៈ ឆ្នាំ ២០២៥ នេះ លោក Nawat Itsaragrisil ដែលជាម្ចាស់ស្ថាប័ន Miss Grand បានផុសបង្ហាញនៅតាមបណ្តាញសង្គមរបស់ខ្លួនថា លោកបានទិញយកសិទ្ធិគ្រប់គ្រង Miss Universe របស់ថៃជាផ្លូវការហើយ។
ក្នុងនោះ លោក Nawat បានឱ្យដឹងថា លោកបានទិញយកសិទ្ធិក្នុងការគ្រប់គ្រងរៀបចំកម្មវិធីប្រកួត Miss Universe Thailand ចំនួន ៥ ឆ្នាំ គឺចាប់ពីឆ្នាំ ២០២៥ ដល់ ២០៣០។ លើសពីនេះទៅទៀត លោក Nawat ក៏មានការហៅអ្នកសារព័ត៌មានឱ្យចូលរួមសន្និសីទមួយ នៅថ្ងៃទី ១៨ ខែកុម្ភៈ ឆ្នាំ ២០២៥ ខាងមុននេះ ដើម្បីធ្វើការសម្ភាសលោកផ្ទាល់ ជាមួយនឹង Annie ទាក់ទងនឹងការទិញសិទ្ធិនេះផងដែរ។
យ៉ាងណាមិញ បើតាមប្រភពចចាមអារ៉ាមបានឱ្យដឹងថា លោក Nawat បានទិញសិទ្ធិនេះក្នុងតម្លៃរហូតដល់ ១៨០ លានបាតឯណោះ តែយ៉ាងណាក៏ដោយនៅមិនទាន់មានប្រភពច្បាស់ការចេញមកបញ្ជាក់នៅឡើយទេ៕
ប្រភព៖ MATICHON
