ថ្មីៗនេះ មហាជនអ្នកគាំទ្រវិស័យបវរកញ្ញាបានចាប់អារម្មណ៍ និង រំភើបចិត្តខ្លាំង ក្រោយពីទទួលដំណឹងថាបវរកញ្ញា ហង្ស ម៉ានីតា Miss Universe Cambodia 2022 វិលមកកាន់វិស័យបវរកញ្ញាជាថ្មី ដែលកញ្ញាទទួលបានឱកាសក្លាយជា Miss World Cambodia 2025 តំណាងឱ្យកម្ពុជាចូលរួមប្រកួតលើឆាកអន្តរជាតិ Miss World ក្នុងឆ្នាំ ២០២៥ នេះ។
ដោយឡែក បន្ទាប់ពីទទួលបានឱកាសតំណាងកម្ពុជាឈរលើឆាកអន្តរជាតិម្ដងទៀត ស្រាប់តែពេលនេះ ហ្សង ម៉ានីតា ធ្វើឱ្យមហាជនហាក់ស្ដាយទៅវិញ ខណៈនាងបានចេញប្រកាសមិនអាចតំណាងឱ្យកម្ពុជាចូលរួមប្រកួតលើឆាកអន្តរជាតិ Miss World 2025 នេះបាន ដែលត្រូវបានគេដឹងថាព្រោះតែនាងមានធុរៈផ្ទាល់ខ្លួនរយៈពេលមួយឆ្នាំពេញនៅឯសហរដ្ឋអាមេរិក។
យ៉ាងណាមិញ ដ្បិតតែមិនអាចចូលរួមប្រកួតក្នុងឆ្នាំ ២០២៥ នេះបានមែន ប៉ុន្តែ ហង្ស ម៉ានីតា ក៏សន្យានឹងត្រឡប់មកវិញតំណាងឱ្យកម្ពុជាចូលរួមប្រកួតលើឆាកអន្តរជាតិក្នុងឱកាសណាមួយម្ដងទៀតផងដែរ៕
