ពិតជាគួរឱ្យបារម្ភ បច្ចេកវិទ្យា AI កាន់តែទំនើប ក្មេងៗបានប្រើវាជាអាវុធ បង្កជាអសុវត្ថិភាពរឿងអាស្រូវ។ ក្មេងសិស្សសាលាបានកំពុងប្រើប្រាស់ AI ឬបញ្ញាសិប្បនិម្មិត ដោយប្រើរូបភាពរបស់មិត្តរួមថ្នាក់ បង្កើតជារូបភាពអាក្រាត រួចចែកចាយពេញសាលា ធ្វើឱ្យអ្នកជំនាញមានការបារម្ភ និង ភ័យខ្លាចជាខ្លាំង។
AI ដ៏មានឥទ្ធិពលនេះ ត្រូវបានគេដាក់ប្រើនៅលើ apps ទូរស័ព្ទឈ្មោះថា “nudify” ដែលវាតម្រូវប្រើរូបថតតែមួយសន្លឹក ឬរូបប្រូហ្វាល់មានតែមុខ វានឹងនិម្មិតបង្កើតជារូបអាក្រាត ឃើញអវយវៈភេទយ៉ាងច្បាស់ ដូចពិតៗ ស្ទើរមិនគួរឱ្យជឿ។ ហើយវាជាការពិត ដែលកំពុងកើតឡើងនៅសាលារៀនពិតប្រាកដមែន។
ជាក់ស្តែង លោក Don Austin នាយកសាលា Palo Alto Unified School District នៅរដ្ឋកាលីហ្វ័រញ៉ា បានប្រាប់សារព័ត៌មាន Fox News Digital ថា៖ «ឥលូវនេះ យើងនៅកន្លែងដែលមិនអាចធ្វើអ្វីបានសោះ ដែលមានទាំងរូបភាព និង Story ជាច្រើន ដែលត្រូវបានក្មេងៗបង្ហោះនៅលើអនឡាញ។ ពួកគេបានប្រើរូបមិត្តរួមថ្នាក់និម្មិតឡើងតាមរយៈ AI ដែលបង្កើតបានទាំងរូបភាព និង សំឡេងតែម្តង»។
នេះគឺជាវិបត្តិឌីជីថលដ៏ពេញលេញមួយ។ កាលពីរដូវក្តៅមុន ការិយាល័យមេធាវីទីក្រុងសាន់ហ្វ្រាន់ស៊ីស្កូបានប្តឹង 16 so-called ដែលបង្កើតគេហទំព័រ “nudify” សម្រាប់ការចោទប្រកាន់ថា បានបំពានច្បាប់ជុំវិញការកេងប្រវ័ញ្ចលើកុមារ និង រូបភាពដែលមិនមានការយល់ព្រមពីបុគ្គល។
កាលពីពាក់កណ្តាលឆ្នាំ ២០២៣ គេហទំព័រនេះមានអ្នកចុចចូលទស្សនារហូតដល់ទៅ ២០០ លាននាក់។ ប៉ុន្តែការចាប់ក្រុមហ៊ុននេះ វាហាក់ដូចជាការលេងហ្គេមដ៏ពិបាក។ ទោះយ៉ាងណា គេថាបច្ចេកវិទ្យាដើរលឿនជាច្បាប់ ហើយក្មេងៗកំពុងជាប់ផុងនៅឡើយ។
លោក Josh Ochs ស្ថាបនិក SmartSocial ដែលជាអង្គការបណ្តុះបណ្តាលគ្រួសារលើសុវត្ថិភាពអនឡាញ បានប្រាប់ Fox News Digital ថា AI ដែលនិម្មិតរូបអាក្រាត កំពុងបង្កគ្រោះថ្នាក់ខ្លាំងដល់ក្មេងៗជំទង់ទូទាំងប្រទេស។ ករណីបង្កគ្រោះថ្នាក់ អាចផ្តើមពីរូបភាព ជាពិសេស រូបភាពមិត្តភក្តិ និង ក្រុមគ្រួសារពួកគេទាំងមូល។ ដូច្នេះឪពុកម្តាយចាំបាច់បញ្ឈប់កូនពីការលេងសើចលើប្រព័ន្ធឌីជីថលជុំវិញជីវិតនៅរបស់ពួកគេ ហើយចាប់ផ្តើមកំណត់ព្រំដែនឡើងវិញ៕
ប្រភព៖ New York Post
