បើគិតមកដល់ពេលនេះ រយៈពេលប្រមាណជាង ១ ឆ្នាំ មកហើយ ដែលតារាចម្រៀងរ៉េបជំនាន់ថ្មី លោក យូហៃ បានក្លាយទៅជាម្ចាស់ពានកម្មវិធី The Rapper Cambodia រដូវកាលទី ១ និង បានក្លាយទៅជាតារាចម្រៀងរ៉េបនៅក្នុងផលិតកម្មបារមី។
ក្នុងនោះ ក្រោយបោះជំហានឈានជើងក្លាយទៅជាតារាចម្រៀងរ៉េប លោក យូហៃ មិនត្រឹមតែទទួលបានការគាំទ្រលើវិស័យចម្រៀងនោះទេ ពោលគឺសូម្បីរឿងឯកជនរបស់លោក យូហៃ ក៏ត្រូវបានអ្នកគាំទ្រតាមដាន ជាពិសេសនោះគឺហ្វេននារីៗតែម្តង។
ក្រឡេកទៅមើលរឿងរ៉ាវបេះដូងឯណោះវិញ កន្លងមកលោក យូហៃ ធ្លាប់ជម្រាបថា ធ្លាប់ជួបស្នេហ៍មិនសមប្រកប ប៉ុន្តែបើគិតមកដល់ពេលនេះ បេះដូងរបស់លោកមានអ្នកស្អំហើយ ឬក៏អត់ ក៏អ្នកគាំទ្រមិនទាន់ដឹងច្បាស់នៅឡើយនោះទេ។
យ៉ាងណាមិញ ថ្មីៗនេះ លោក យូហៃ បានបង្ហោះប៉ុន្មានម៉ាត់ ធ្វើឱ្យអ្នកគាំទ្រមានចម្ងល់ និង កំពុងគិតថា កំលោះសង្ហារូបនេះកំពុងមានស្នេហាក៏មិនដឹង ក្រោយពីកំលោះសង្ហា យូហៃ សរសេរថា ៖ «កុំមាត់ គេកំពុង pink»៕
