ខណៈរដូវបុណ្យភ្ជុំបិណ្ឌ ប្រពៃណីជាតិខ្មែរ ដែលជាពេលវេលាប្រជាជនកម្ពុជាបានជួបជុំក្រុមគ្រួសាររៀបចំចង្ហាន់ទៅវត្តប្រគេនព្រះសង្ឃនោះ មហាជនក៏បានបង្ហាញអារម្មណ៍សោកស្តាយ និង ចូលរួមរំលែកទុក្ខដល់ក្រុមគ្រួសាររបស់សិល្បករ សិល្បការិនីចំនួន ៣ រូប ដែលបែរជាជួបទុក្ខធំ បាត់បង់មនុស្សជាទីស្រឡាញ់ដូចគ្នានៅរដូវបុណ្យទាន។
១. លោក ជ័យ សូវ៉ាត
កាលពីថ្ងៃទី ០៨ ខែកញ្ញា ឆ្នាំ ២០២៥ ពោលគឺបិណ្ឌ ១ តារាចម្រៀងប្រុស ជ័យ សូវ៉ាត បានបាត់បង់លោកយាយទីស្រឡាញ់គ្មានថ្ងៃត្រឡប់។
២. កញ្ញា បាន មុន្នីល័ក្ខ
កាលពីថ្ងៃទី ១១ ខែកញ្ញា ឆ្នាំ ២០២៥ កន្លងទៅ តារាចម្រៀងស្រី បាន មុន្នីល័ក្ខ បានជួបទុក្ខធំបាត់បង់មនុស្សជាទីស្រឡាញ់ក្នុងគ្រួសារ គឺអ៊ំស្រីរបស់នាងបានទទួលមរណភាព។ លើសពីនោះ អ្វីកាន់តែក្តុកក្តួល ក្រោយបាត់បង់អ៊ំស្រីជាទីស្រឡាញ់ហើយ កញ្ញា បាន មុន្នីល័ក្ខ បានបាត់បង់ក្មួយប្រុស ១ រូប ទៀត អាយុ ៥ ឆ្នាំ នៅថ្ងៃទី ១២ ខែកញ្ញា ឆ្នាំ ២០២៥។
៣. លោក ភីស៊ែន
កាលពីថ្ងៃទី ១៤ ខែកញ្ញា ឆ្នាំ ២០២៥ កន្លងទៅ ម្ចាស់បទ «ទុយមុយ» លោក ភីស៊ែន បានជួបទុក្ខធំ ដោយឪពុកក្មេករបស់លោកបានទទួលមរណភាព បន្សល់នូវភាពសោកស្ដាយ និង ការនឹករឭក៕
