(វីដេអូ) ផ្ទុះសរសើរ! កក្កដា សុភ័ណ្ឌ យកនំអន្សម និង នំគមខ្មែរទៅបង្ហាញក្នុងវគ្គឈុតតំណាងជាតិ

រយៈពេលជាង ១ សប្តាហ៍មកហើយ ដែល កក្កដា សុភ័ណ្ឌ បានធ្វើដំណើរទៅកាន់ប្រទេសព័រតូរីកូ ក្នុងនាមជា Miss Trans Star Cambodia 2025 ដើម្បីប្រកួតលើឆាកអន្តរជាតិ Miss Trans Star International 2025។

បើគិតត្រឹមថ្ងៃទី ០៤ ខែធ្នូ ឆ្នាំ ២០២៥ កន្លងទៅ ការប្រកួត Miss Trans Star International 2025 ក៏បានឈានដល់វគ្គប្រកួតឈុតតំណាងជាតិ និង ការបង្ហាញឈុតរាត្រីសមោសររួចរាល់ហើយដែរ។

ក្នុងនោះដែរ អ្វីដែល កក្កដា សុភ័ណ្ឌ Miss Trans Star Cambodia 2025 បានធ្វើឱ្យមហាជនកំពុងផ្ទុះការចាប់អារម្មណ៍នោះ ក៏ព្រោះតែក្នុងរាត្រីនៃការបង្ហាញឈុតតំណាងជាតិនោះ កក្កដា សុភ័ណ្ឌ បានជ្រើសរើសយកនំខ្មែរ រួមមាន នំអន្សម និង នំគម ទៅបង្ហាញលើឆាកអន្តរជាតិខាងលើនេះ។

ជាងនេះទៅទៀត អ្វីដែលកាន់តែធ្វើឱ្យមហាជនសរសើរនោះ កក្កដា សុភ័ណ្ឌ បានពាំនាំនូវអត្ថន័យដ៏មានន័យរបស់នំអន្សម និង នំគម ទៅបង្ហាញលើឆាកប្រកួត Miss Trans Star Cambodia 2025 ដោយពិធីករបានអត្ថាធិប្បាយជាភាសាអង់គ្លេសដែលមានអត្ថន័យថា៖ ««នំអន្សម» គឺជានំប្រពៃណីរបស់ជនជាតិខ្មែរ ដែលមានប្រវត្តិយូរលង់ណាស់មកហើយ ហើយនំប្រភេទនេះ ទំនងអាចនឹងមានប្រវត្តិកើតមានក្នុងរាជព្រះបាទជ័យវរ្ម័នទី ២ ដែលមានជំនឿគោរពទៅលើ «ព្រះឥសូរ ឬ ព្រះសិវៈ» ដែលតំណាងឱ្យ «សសរភ្លើងឥស្វរៈ» នៃដើមកំណើតព្រះឥសូរ ដែលនាំយក សិវៈលិង្គមកគោរពបូជា ក្នុងលទ្ធិទេវរាជរបស់ព្រះអង្គ។ រីឯនំគម គឺជាការដំណាងឱ្យអាវ:យីវ:ភេទ (យោនី) របស់នាងឧមាដែលជាព្រះមហេសីរបស់ ព្រះឥសូរ»៕

សូមចុចទីនេះ ដើម្បីទស្សនាវីដេអូ៖