បើលើកឡើងពីលោក Jady មកនិយាយ ច្បាស់ណាស់មហាជនអ្នកគាំទ្រ ប្រាកដជានឹកដល់ទឹកដមសំឡេងពីរោះផ្អែមរបស់តារាចម្រៀង R&B រូបនេះមិនខាន ដោយលោករមែងផលិតបទចម្រៀងបែបផ្អែមល្ហែមដើម្បីបម្រើអារម្មណ៍ទស្សនិកជនស្ដាប់កម្សាន្ត។
ក្នុងនោះ បទចម្រៀងល្បីៗ ដែលលោក Jady បានផលិត និង ទទួលបានការគាំទ្រខ្លាំងរួមមានបទ «អូន» បទ «Lost» និង បទចម្រៀងជាច្រើនទៀត។ លើសពីនោះ ថ្មីៗនេះ លោកទើបតែបញ្ចេញ Album ចម្រៀងមានឈ្មោះថា «Black & Blue»។
ដោយឡែក អ្វីដែលគួរឱ្យចាប់អារម្មណ៍នោះ លោក Jady ត្រូវបានចាត់ទុកជាតារាចម្រៀង R&B មួយរូប ដែលតែងតែបញ្ចេញស្នាដៃផលិតបទចម្រៀងជាមួយនឹងតារាចម្រៀង R&B និង តារាចម្រៀងរ៉េបដទៃទៀតជាច្រើន។
ជាក់ស្តែង កន្លងមក លោក Jady ធ្លាប់បានបកស្រាយចម្រៀងរួមគ្នា ជាមួយនឹងតារាចម្រៀងរ៉េបលោក យូហៃ និង លោក នរិទ្ធ ព្រមទាំងក្រុមចម្រៀង La Cima Cartel គឺលោក Meezy24K ព្រមទាំងលោក Tomie ផងដែរ៕
