បើទោះជាកន្លងមក ធ្លាប់បានផ្អាកលើវិថីសិល្បៈមួយរយៈក្តី ប៉ុន្តែក្រោយពីបានចូលប្រឡូក និង ក្លាយខ្លួនជាតារាចម្រៀងរបស់ផលិតកម្ម ហ្គាឡាក់ស៊ី ណាវ៉ាត្រា តារាចម្រៀងប្រុស ជុំ លីណូ កាន់តែទទួលបានប្រជាប្រិយភាព និង ការងារសិល្បៈកាន់តែច្រើនឡើងៗ។
យ៉ាងណាមិញ ងាកទៅកាន់ជីវិតឯកជនឯណោះវិញ សព្វថ្ងៃលោក ជុំ លីណា មិនមែននៅលីវនោះឡើយ ដោយលោកមានភរិយា និង ទទួលបានចំណងដៃកូនស្រី ១ រូបហើយដែរ។ ក្នុងនោះ បើក្រឡេកទៅមើលភរិយារបស់លោក ជុំ លីណូ ត្រូវបានមហាជនអ្នកគាំទ្រសរសើរដល់អ្នកនាងថាពិតជាក្មេងវ័យ និង មានសម្រស់ស្រស់ស្អាតមិនចាញ់តារានោះឡើយ។
គួរជម្រាបថា លោក ជុំ លីណូ បានភ្ជាប់ពាក្យតាំងពីអំឡុងឆ្នាំ ២០១៩ ជាមួយកូនស្រីអ្នកខេត្តកំពត និង ជាអ្នកលក់អនឡាញ រីឯមង្គលការរបស់លោកវិញ គឺបានរៀបចំនៅអំឡុងឆ្នាំ ២០២១ ដែលខណៈពេលនេះជីវិតគូរបស់លោកកំពុងរស់ក្នុងក្ដីសុខសុភមង្គលយ៉ាងខ្លាំង៕
