អ្នកគាំទ្រនិយមតាមដានជីវិតឯកជនរបស់តារាចម្រៀង នី រតនា ច្បាស់ជាបានជ្រាបមកហើយថា ក្រោយពីសាងគ្រួសាររៀបការ មានកូនប្រុសស្រីចំនួន ៣ នាក់ហើយនោះ តារាចម្រៀងប្រុសខាងលើនេះ មិនត្រឹមតែទទួលបានប្រជាប្រិយភាពដូចដើមនោះទេ សូម្បីតែក្រុមគ្រួសាររបស់លោក ក៏ទទួលបានការគាំទ្រ ចូលចិត្តស្រឡាញ់ពីមហាជនដែរ។
បើនិយាយពីកូនៗរបស់លោក នី រតនា ទាំង ៣ នាក់ វិញ គឺកាន់តែទទួលបានការស្រឡាញ់ គាំទ្រពីមហាជនខ្លាំង ក៏ព្រោះតែកូនប្រុសស្រីលោក នី រតនា សុទ្ធសឹងតែឃ្យូដ គួរឱ្យស្រឡាញ់ និង ចេះស្តាប់បង្គាប់ចាស់ទុំ។
ដោយឡែក ថ្មីៗនេះ អ្នកលេងបណ្តាញសង្គម Tik Tok កំពុងសរសើរដល់ លោក នី រតនា និង ភរិយា ដែលចិញ្ចឹមបីបាច់កូនបានយ៉ាងល្អ ជាពិសេសនោះ គឺលោកបានរកគ្រូឱ្យមកបង្រៀនផ្នែកចរិយាសម្បត្តិដល់ អូន មែល កូនស្រីច្បងរបស់លោកទៀតផង។
ក្នុងនោះដែរ ការរៀនថ្នាក់ផ្នែកចរិយាសម្បត្តិ ដែលអូនមែល កំពុងរៀន គឺផ្តោតទៅលើការរស់នៅ អាកប្បកិរិយា កាយវិការ ភាសា និង ការនិយាយស្តីនានាឱ្យសមសួនក្នុងនាមជាកូនខ្មែរ ឬនារីខ្មែរ។ លើសពីនោះ អូនមែល ក៏រៀនផ្នែករបាំបុរាណផងដែរ៕
សូមចុចទីនេះ ដើម្បីទស្សនាវីដេអូទី ១៖
សូមចុចទីនេះ ដើម្បីទស្សនាវីដេអូទី ២៖
