មនុស្សស្រីបើស្រឡាញ់គឺស្រឡាញ់ខ្លាំង តែសុខៗបង្ហាញទង្វើ ៦ នេះ ប្រុសៗចាំទុកគឺអ្នកកំពុងបាត់បង់មនុស្សស្រីល្អម្នាក់ពីជីវិតហើយ

ការទទួលបានក្តីស្រឡាញ់ពីមនុស្សស្រីល្អម្នាក់ វាមិនមែនជាការងាយនោះទេ ព្រោះក្តីស្រឡាញ់របស់នាងគឺជ្រៀលជ្រៅណាស់ នាងតែងតែគាំទ្រមនុស្សដែលនាងស្រឡាញ់គ្មានទីបញ្ចប់ និង ចង់ឃើញអ្នកនោះជោគជ័យជានិច្ច ប៉ុន្តែបើសិនជានាងសម្រចចិត្តដើរចេញពីទំនាក់ទំនងណាមួយ នោះមានន័យថានាងបានផ្តល់ក្តីស្រឡាញ់ឱ្យអស់ចេញពីចិត្តហើយ តែវាត្រូវគេមើលរំលង និង មិនឱ្យតម្លៃ។ ក្នុងនោះ បើសិនឃើញជាឃើញនាងធ្វើរឿងទាំង ៦ ខាងក្រោមនេះ គួរតែត្រៀមចិត្តចុះ ព្រោះនាងឆ្អែតចិត្ត និង ត្រៀមដើរចេញពីអ្នកហើយ។

១. នាងឈប់អើពើសួរនាំមុន

មនុស្សស្រីប្រភេទនេះតែងព្យាយាមរក្សាទំនាក់ទំនងឱ្យទៅមុខជានិច្ច នាងតែងសួរនាំដៃគូដោយក្តីបារម្ភជាប្រចាំ តែបើសិនជាថ្ងៃណានាងឆ្អែតចិត្ត នាងនឹងលែងសួរនាំ គឺនាងនឹងឱ្យភាពស្ងៀមស្ងាត់របស់នាងនិយាយជំនួសវិញ ថាតើនាងហត់នឿយប៉ុនណាក្នុងការក្សាទំនាក់ទំនងនេះ។

២. នាងឈប់គាំទ្រក្តីសុបិន្តរបស់អ្នក

មនុស្សស្រីប្រភេទនេះ ជាមនុស្សស្រីដែលពូកែលើកទឹកចិត្តណាស់ នាងតែងតែនៅជិតអ្នកមិនថាក្នុងកាលៈទេសៈបែបណា និង ជួយរុញច្រានឱ្យអ្នកបានសម្រេចក្តីសុបិន្តដែលខ្លួនប្រាថ្នា ប៉ុន្តែបើថ្ងៃណាមួយនាងឈប់លើកទឹកចិត្ត ឬឈប់រុញច្រានអ្នកឱ្យទៅមុខ មានន័យថានាងហត់នឿយណាស់ហើយ។ នៅពេលអ្នកបាត់បង់ការលើកទឹកចិត្តពីនាង អ្នកនឹងដឹងថាអ្នកបានបាត់បង់មនុស្សដែលគាំទ្រយ៉ាងស្មោះចេញពីចិត្ត។

៣. នាងចាប់ផ្តើមផ្តោតលើខ្លួនឯង

នៅពេលដែលនាងឆ្អែតឆ្អន់ហើយ នាងនឹងលែងខំប្រឹងរក្សាអ្វីទាំងអស់ នាងនឹងងាកមកផ្តោតលើខ្លួនឯងវិញ។ នាងនឹងយកពេលវេលាទៅអភិវឌ្ឍន៍ខ្លួនឯង ទៅលើការងារ ឬក៏អ្វីដែលបញ្ជាក់ពីតម្លៃរបស់នាង ពោលគឺនាងនឹងស្វែងរកក្តីសុខឱ្យខ្លួនឯង នាងនឹងឈប់យកពេលទៅគិតរឿងដែលធ្វើ​ឱ្យនាងពិបាកចិត្តតទៀតហើយ។

៤. នាងឈប់បង្ហាញអារម្មណ៍

មនុស្សស្រីប្រភេទនេះជាមនុស្សដែលមានអារម្មណ៍ជ្រៀលជ្រៅ ហើយនាងតែងបង្ហាញវាជាប្រចាំ តែបើសិនជាថ្ងៃណាមួយនាងបែរជាព្រងើយកន្តើយ នាងឈប់បង្ហាញការព្រួយបារម្ភ ឬ ការខឹងង៉ក់ងរនោះ មានន័យថានាងឈប់ខ្វល់ពីអ្វីទាំងអស់ នាងឈប់ខ្វល់ថាទំនាក់ទំនងនឹងទៅជាយ៉ាងណាទៀតហើយ ព្រោះកន្លងមកមើលទៅមានតែនាងដែលខ្វល់តែម្នាក់ឯង។

៥. នាងឈប់រំឭកអនុស្សាវរីយ៍

នាងចូលចិត្តរំឭកទង្វើ ឬ អនុស្សាវរីយ៍មួយចំនួននៅក្នុងអតីតកាលដល់អ្នក ដើម្បីឱ្យអ្នកដឹងថានាងស្រឡាញ់អ្នកប៉ុនណា ប៉ុន្តែបើនាងឈប់រំឭកពីរឿងនេះហើយ មានន័យថានាងបោះបង់វាចោលហើយ។ នាងនឹងផ្តាច់អនាគតជាមួយអ្នក ដោយការមិនខ្វល់ខ្វាយពីរឿងអតីតកាលតទៅទៀត។

៦. អ្នកមានអារម្មណ៍ថាទទេសូន្យសុង

អ្នកនឹងមានអារម្មណ៍ថាជីវិតហាក់ដូចជាទទេ នៅពេលដែលនាងចេញទៅ ព្រោះកន្លងមកនាងតែងតែនៅក្បែរអ្នកគ្រប់ពេលវេលា គ្រប់កាលៈទេសៈ។ អ្នកនឹងលែងទទួលទង្វើតូចតាចដែលបង្ហាញពីភាពស្មោះសរបស់នាងទៀតហើយ ពេលនេះអ្នកនឹងចាប់ផ្តើមវិលទៅគិតពីអំពើល្អរបស់នាងកន្លងមក ហើយវានឹងក្លាយជាមេរៀនដ៏ឈឺចាប់មួយរបស់អ្នក៕

ប្រភព៖ Rerules