មានរឿងរ៉ាវដ៏គួរឱ្យរំជួលចិត្តមួយ កំពុងតែធ្វើឱ្យមហាជនមានការសោកស្តាយអាណិត ដោយមានក្មេងប្រុសអាយុ ១២ ឆ្នាំម្នាក់ បានខឹងនឹងឪពុកវាយខ្លួន ដោយសារតែរឿងវក់ជាមួយនឹងទូរស័ព្ទ ក៏សម្រេចចិត្តរត់ចេញពីផ្ទះ ដោយមិនដឹងខ្លួនសោះថានេះ គឺជាលើកចុងក្រោយដែលបានជួបឪពុក។
ហេតុការណ៍ដ៏សោកសៅមួយបានកើតឡើងនៅទីក្រុង Pingxiang ខេត្ត Jiangxi ប្រទេសចិន ដោយក្មេងប្រុសខាងលើនេះ ត្រូវឪពុកស្តីឱ្យ និង ជ្រុលដៃប្រើហិង្សាដាក់ ដោយសារតែគេវក់លេងហ្គេមទូរស័ព្ទខ្លាំងពេក។ ក្មេងប្រុសនេះបានកើតការខឹងអន់ចិត្ត ហើយបានរត់ចេញពីផ្ទះបាត់ទៅ ប៉ុន្តែ ២ ថ្ងៃក្រោយមក ស្រាប់តែបុរសជាឪពុក ដែលមានអាជីពជាអ្នកដឹកម្ហូប ក៏បានគ្រោះថ្នាក់ចរាចរណ៍បាត់បង់ជីវិតចោលកូនប្រុស។
ខាងសាច់ញាតិគ្រួសារ ក៏បានតាមរកក្មេងប្រុសខាងលើនេះ បំណងឱ្យគេមកជួបឪពុកជាលើកចុងក្រោយ តែមើលទៅគេនៅមិនទាន់ដឹងកំហុសខ្លួននោះទេ ដោយហាក់នៅតែមានការអន់ចិត្ត និង ខឹងនៅឡើយ ដែលធ្វើឱ្យមហាជននៅតាមបណ្តាញសង្គម មានការហួសចិត្តយ៉ាងខ្លាំង៕
ប្រភព៖ Sanook
