ផ្ទះការចម្រូងចម្រាសរវាង ២ ផលិតកម្ម ពាក់ព័ន្ធនឹងការត្រៀមថតខ្សែជីវិតគូដណ្តឹង ឈឿន សំណាង ជនរងគ្រោះភ្លើងឆេះក្លឹបក្រោមដី

ជាការពិតណាស់ នៅដើមឆ្នាំ ២០២៥ នេះ អ្នកនិយមតាមដានខ្សែភាពយន្តច្បាស់ជាបានជ្រាបហើយ ពីភាពកក្រើកនៃរឿង «ភ្លើងឆេះក្លឹបក្រោមដី» របស់ផលិតកម្ម LD បានដកស្រង់ចេញពីរឿងពិត ដែលកើតមានឡើងនៅក្នុងខេត្តសៀមរាប កាលពីឆ្នាំ ២០២១ កន្លងទៅ។ ខ្សែភាពយន្តនេះ បានក្លាយជាខ្សែភាពយន្តរន្ធត់ដំបូងនៅដើមឆ្នាំ ២០២៥ ដែលរកចំណូលបានច្រើនជាងភាពយន្តខ្មែរណាៗទាំងអស់។

ដោយឡែក ថ្មីៗនេះ រឿងរ៉ាវនៃជីវិតគូរបស់ លោក ឈឿន សំណាង ជនរងគ្រោះក្នុងក្លឹបក្រោមដី និង គូដណ្តឹង គឺកញ្ញា មិនា នឹងត្រៀមផលិតនាពេលខាងមុខនេះហើយ ដោយតាមការបញ្ជាក់ពីនារីជាគូដណ្ដឹងកាលពីថ្ងៃទី ២៣ ខែមេសា ឆ្នាំ ២០២៥ កន្លងទៅ តែអ្វីដែលកំពុងផ្ទុះការវែកញែក គឺភាពយន្តនៃជីវិតគូរបស់លោក ឈឿន សំណាង និង កញ្ញា មិនា មិនបានផលិតក្រោមការគ្រប់គ្រងរបស់ផលិតកម្ម LD នោះទេ តែជាការផលិតរបស់ផលិតកម្មមួយផ្សេងទៀត ដែលមានលោក អ៊ិន វិចិត្រ ជាចាងហ្វាងផលិតកម្ម។

ក្នុងនោះ តាមរយៈសំណេររបស់កញ្ញា មិនា គូដណ្តឹងលោក ឈឿន សំណាង បានរៀបរាប់ថា៖ «នាងខ្ញុំបានផ្តល់សិទ្ធិជូនទៅបងប្រុស Vichet In ដែលជាម្ចាស់ផលិតកម្ម (Mediaload) ក្នុងការថតរឿងស្នេហានាងខ្ញុំ និង អាបង Bong Nang ដែលជាសាច់រឿងខ្ញុំផ្ទាល់ ដែលជាតួអង្គពិតក្នុងហេតុការណ៍ភ្លើងឆេះក្លឹបនៅសៀមរាប ដែលជាខ្យែភាពយន្តមានចំណងជើង #កំណត់ហេតុចុងក្រោយ ។ រង់ចាំតាមដានទស្សនាទាំងអស់គ្នាថានឹងមានអ្វីប្លែក»។

យ៉ាងណាមិញ ងាកទៅកាន់លោក លៀក លីដា ចាងហ្វាងផលិតកម្ម LD ឯណោះវិញ ក៏ហាក់មិនពេញចិត្តនឹងការផលិតភាពយន្តខាងលើនោះដែរ ដោយលោក លៀក លីដា និង ប្អូនប្រុស គឺលោក លៀក លីណា ក៏បានចេញមកបង្ហោះសារជាបន្តបន្ទាប់ពាក់ព័ន្ធនឹងបញ្ហាខាងលើនេះដូចខាងក្រោម៖