ផ្ទុះការជជែកមិនដាច់ស្រេច ពេលនេះ លោក អ៊ិន វិចិត្រ ចេញមុខបញ្ជាក់យ៉ាងច្បាស់ ពាក់ព័ន្ធនឹងការផ្ដល់សិទ្ធិពីគូដណ្ដឹង សំណាង

ថ្មីៗនេះ អ្នកលេងបណ្តាញសង្គមហ្វេសប៊ុក ជាពិសេស អ្នកធ្លាប់បានទស្សនារឿង «ភ្លើងឆេះក្លឹបក្រោមដី» ច្បាស់ជាបានជ្រាបមកហើយពីភាពចម្រូងចម្រាសតាមរយៈការបង្ហោះសាររវាងលោក លៀក លីដា និង លោក លៀក លីនា ភាគីខាង ផលិតកម្ម LD និង អ៊ិន វិចិត្រ ចាងហ្វាងផលិតកម្ម Mediaload។

មូលហេតុនៃការផ្ទុះការវែកញែក លើកបណ្តាញសង្គមនោះ បានកើតឡើងខណៈតួអង្គពិតជាគូដណ្តឹងលោក ឈឿន សំណាង ជនរងគ្រោះក្នុងភ្លើងឆេះក្លឹបក្រោមដី គឺកញ្ញា មិនា បានឱ្យដឹងថា នាងបានផ្តល់សាច់រឿងស្នេហារបស់នាង និង លោក ឈឿន សំណាង ឱ្យផលិតកម្ម Mediaload ផលិត ដោយរឿងនោះមានចំណងជើងថា «កំណត់ហេតុចុងក្រោយ»។

យ៉ាងណា ងាកទៅកាន់លោក លៀក លីដា ចាងហ្វាងផលិតកម្ម LD ឯណោះវិញ ក៏ហាក់មិនពេញចិត្តនឹងការផលិតភាពយន្តខាងលើនោះដែរ ដោយលោក លៀក លីដា និង ប្អូនប្រុស គឺលោក លៀក លីណា ក៏បានចេញមកបង្ហោះសារជាបន្តបន្ទាប់ពាក់ព័ន្ធនឹងបញ្ហាខាងលើ។

ងាកទៅកាន់លោក អ៊ិន វិចិត្រ ឯណោះវិញ ក៏បានចេញមកបង្ហោះសារជាបន្តបន្ទាប់ដូចគ្នាដែរ ដោយសារទី ១ លោកបានរៀបរាប់ថា៖ «សូមឱ្យម្ចាស់ផលិតកម្មម្នាក់ៗ គោរពនូវកម្មសិទ្ធិបញ្ញារបស់បុគ្គលម្នាក់ៗ រឿងស្នេហាគាត់ ហេតុអ្វីគាត់ត្រូវបាត់បង់សិទ្ធិក្នុងការប្រាប់រឿងស្នេហារបស់គាត់ Pas Mine»។

លើសពីនោះ សារបន្ទាប់លោក ក៏បានបញ្ជាក់ថា រឿង កំណត់ហេតុចុងក្រោយ នេះ មិនមែនជារឿងតពីរឿង «ភ្លើងឆេះក្លឹបក្រោមដី» របស់ផលិតកម្ម LD នោះឡើយ ដោយលោក អ៊ិន វិចិត្រ បានរៀបរាប់ដូចបានភ្ជាប់មកដូចតទៅ ៖