មានករណីដ៏គួរឱ្យហួសចិត្តរបស់កូនកំលោះជនជាតិឥណ្ឌាម្នាក់ ដែលសុខចិត្តចុះចោលកូនក្រមុំទាំងកំពុងចូលរោងការ រួចទៅរៀបការជាមួយអ្នកថ្មីនៅក្នុងថ្ងៃតែមួយ ព្រោះតែខឹងចុងភៅលើកម្ហូបមកឱ្យមិនទាន់។
តាមព័ត៌មានបានឱ្យដឹងថា ករណីនេះបានកើតឡើងនៅក្នុងស្រុក Chandauli ដោយនៅថ្ងៃកើតហេតុជាថ្ងៃមង្គលការនោះ ខាងកូនកំលោះបានដង្ហែក្បួនមកកាន់ផ្ទះកូនក្រមុំ ហើយត្រូវបានគ្រួសារកូនក្រមុំរៀបចំទទួលទៅតាមទំនៀមទម្លាប់។ យ៉ាងណាមិញ ខាងញាតិរបស់កូនកំលោះបានរអ៊ូរទាំថាអាហារមិនគ្រប់គ្រាន់ ហើយថែមទាំងទទួលយឺតយ៉ាវទៀត ធ្វើកូនឱ្យកំលោះកើតការមិនពេញចិត្ត ដល់ថ្នាក់សម្រេចបញ្ឈប់អាពាហ៍ពិពាហ៍ជាមួយកូនក្រមុំ ហើយទៅរៀបការជាមួយអ្នកថ្មីនៅក្នុងថ្ងៃតែមួយ។
ដោយឡែក ខាងកូនក្រមុំបានទៅប្តឹងប៉ូលិសដើម្បីទារលុយថ្ងៃទឹកដោះប្រហែលជាជិត ២ ពាន់ដុល្លារ ដែលបានឱ្យទៅខាងខាងកូនកំលោះ ក្រោយមកប៉ូលិសក៏បានធ្វើការជួយចរចាឱ្យទាំងសងខាង ទើបខាងកូនកំលោះព្រមប្រគល់ថ្លៃទឹកដោះទៅឱ្យខាងកូនក្រមុំវិញដើម្បីបញ្ចប់រឿង៕
ប្រភព៖ Khaosod
