សារព័ត៌មាន Suho បានឱ្យដឹងពីរឿងរ៉ាវរបស់កូនកំលោះមួយរូបនៅឯប្រទេសចិន ដែលទើបតែបានឃើញសម្រស់ពិតរបស់កូនក្រមុំនៅក្នុងថ្ងៃចូលរោងការ ដែលបង្កឱ្យមានការហួសចិត្តស្តាយក្រោយ។
តាមព័ត៌មានបានឱ្យដឹងថា កូនកំលោះមានវ័យ ២៧ ឆ្នាំ បានទាក់ទងគ្នាជាមួយនឹងកូនក្រមុំដែលមានវ័យ ៣១ ឆ្នាំ។ អាយុរបស់ខាងស្រីមិនជាបញ្ហាឡើយសម្រាប់កូនកំលោះ ព្រោះនាងតែងតែផាត់មុខតែងខ្លួន ធ្វើឱ្យមើលទៅនាងនៅក្មេងជាងវ័យជានិច្ច។ មិនយូរប៉ុន្មាន អ្នកទាំងពីរក៏បានសម្រេចចិត្តចូលរោងការតាមប្រពៃណី ហើយសម្រស់ពិតរបស់កូនក្រមុំក៏ត្រូវបានទម្លាយ។
ក្នុងនោះ នៅពេលចប់ពិធីអស់ហើយ កូនកំលោះកូនក្រមុំក៏បាននាំគ្នាត្រឡប់ទៅផ្ទះ ដោយកូនក្រមុំបានលុបគ្រឿងសម្អាងរបស់នាងចេញ ដែលបង្ហាញឱ្យឃើញថាសម្រស់របស់នាងមិនដូចអ្វីដែលកូនកំលោះធ្លាប់ឃើញឡើយ កូនកំលោះពិតជាខកចិត្តខ្លាំងណាស់ ហើយមានអារម្មណ៍ថាខ្លួនឯងត្រូវកូនក្រមុំបោកប្រាស់ដូច្នោះឯង។
ដោយឡែក កូនក្រមុំវិញក៏ហាក់មិនពេញចិត្តចំពោះប្រតិកម្មរបស់កូនកំលោះដូចគ្នា មើលទៅគេមិនពេញចិត្តមុខមាត់ពិតរបស់នាងជាខ្លាំង តែយ៉ាងណាក៏ដោយក៏ត្រូវតែទទួលយក ព្រោះបានចូលរោងការជាមួយគ្នាទៅហើយ៕
ប្រភព៖ Sanook
