ថ្មីៗនេះ អ្នកលេងបណ្តាញសង្គមហ្វេសប៊ុក ជាពិសេស អ្នកគាំទ្រទស្សនាកម្មវិធី MasterChef Cambodia រដូវកាលទី ៤ បានផ្ទុះការចែករំលែកនូវក្លីបវីដេអូខ្លីមួយ ដែលបានកាត់ចេញការចាក់ផ្សាយកាលពីសប្តាហ៍ទី ១៦ កន្លងទៅ របស់បេក្ខជន ចំរើន បូរ៉ា។
ក្លីបវីដេអូខ្លីនោះដែរ បេក្ខជន ចំរើន បូរ៉ា ត្រូវបានអ្នកទស្សនាចាប់កំហុសត្រង់ពាក្យ ៣ ម៉ាត់ ដោយលោកនិយាយល្ហៀងៗទៅកាន់បេក្ខជន សែម ចាន់លក្ម្សីថា «អ៊ីកញ្ចាស់»។ ពាក្យ ៣ ម៉ាត់ នោះដែរ បានធ្វើឱ្យអ្នកទស្សនាជាច្រើនបានចេញមកផ្ទុះការវែកញែក ថាលោក បូរ៉ា ប្រើប្រាស់ពាក្យមិនសមរម្យ ហើយក៏មានខ្លះទៀតលើកហេតុផលផ្សេងៗកាន់ជើងខាងបេក្ខជន ចំរើន បូរ៉ា ខ្លះ និង បេក្ខជន សែម ចាន់លក្ម្សី ដែរ។
គួរជម្រាបថា មូលហេតុ ដែលធ្វើឱ្យ បេក្ខជន ចំរើន បូរ៉ា បានធ្លោយប្រើពាក្យ «អ៊ីកញ្ចាស់» នេះ ក៏ព្រោះតែក្នុងវគ្គប្រកួត បេក្ខជន សែម ចាន់លក្ម្សី មានសិទ្ធិផ្លាស់ប្តូរមុខម្ហូបគោលរបស់បេក្ខជនដទៃទៀត ហើយក្នុងនោះ បូរ៉ា ក៏ជាម្នាក់ត្រូវបានប្តូរមុខម្ហូបគោល ដែលជាហេតុធ្វើឱ្យលោកមានផលលំបាកក្នុងវិញ្ញាសាចម្អិនវគ្គនោះ៕
សូមចុចទីនេះ ដើម្បីទស្សនាវីដេអូ៖
