កន្លងមក មហាជននិយមតាមដានជីវិតឯកជនរបស់តារាស្រី ម៉ានីតា និង តារាប្រុស សន ពិសិដ្ឋ ដែលជាអតីតគូស្នេហ៍នឹងគ្នា ពាក់ព័ន្ធនឹងឯកសារប្តឹងផ្តល់ ដោយខាងស្រីបានដាក់បណ្តឹងឱ្យខាងប្រុសចូលមកដោះស្រាយ ខណៈគេចវេសជាច្រើនលើកច្រើនសា។
ថ្មីៗនេះ តារាស្រី ម៉ានីតា ក៏បានចេញមកទម្លាយជាថ្មីពាក់ព័ន្ធនឹងការប្តឹងផ្តល់ទៅកាន់អតីតគូស្នេហ៍ពីករណីហិង្សាទៅកាន់ខ្លួន ដោយសាលដីកាពីថ្ងៃទី ១០ ខែមេសា ឆ្នាំ ២០២៥ ពីសាលាឧទ្ធរណ៍ គឺមិនមែនបន្ថយទោសអតីតគូស្នេហ៍ពី ២ ឆ្នាំ មកនៅសល់ ១ ឆ្នាំទេ គឺព្យួរទោសឱ្យនៅក្រៅឃុំតែម្តង។
ម្យ៉ាងវិញទៀត នៅថ្ងៃទី ២៣ ខែមេសា ឆ្នាំ ២០២៥ កន្លងទៅនេះ តារាស្រី ម៉ានីតា បានចេញមកបញ្ជាក់ជាថ្មីម្តងទៀត ថានាងមានភស្តុតាងសំឡេង និង សាក្សីឃើញការប្រើហិង្សា ខណៈក្រោយទម្លាយរូបភាពរងអំពើហិង្សាពីអតីតគូស្នេហ៍ ដែលអះអាងថាជា លោក សន ពិសិដ្ឋ មានការបញ្ចេញមតិមួយចំនួនតូច ថាមិនមែនជាការពិតផង។
ដោយឡែកក្រោយស្ងប់ស្ងាត់មិនឃើញមានការតបត ស្រាប់តែនៅថ្ងៃទី ២៩ ខែមេសា ឆ្នាំ ២០២៥ កន្លងទៅនេះ លោក សន ពិសិដ្ឋ បានចេញមកបង្ហោះសំណេរ និង លិខិតពាក់ព័ន្ធនឹងរឿងរ៉ាវខាងលើថា៖ «កន្លងមកខ្ញុំពុំបានធ្វើការឆ្លើយតបណាមួយតាមបណ្ដាញសង្គម ព្រោះខ្ញុំពិតជាមិនចង់យកបណ្ដាញសង្គមមកធ្វើសកម្មភាពបំពុលសង្គមឡើយ ហើយក៏មិនចង់យកសារព័ត៌មាន ឬមតិរបស់មហាជនមកធ្វើការដាក់សម្ពាធដល់ភាគីណាមួយដែរ។ ខ្ញុំជឿជាក់ និង ទុកចិត្តទៅលើតុលាការ និង ប្រព័ន្ធច្បាប់ ថាអាចស្វែងរកការពិត និង ផ្ដល់ភាពយុត្តិធម៌ដល់រូបខ្ញុំបាន។ ប៉ុន្ដែដោយឈ្មោះ ស័ត សុខកញ្ញា នៅតែបន្ដបង្ហោះសារ និង វីដេអូក្នុងចេតនាទម្លាក់កំហុសឱ្យរូបខ្ញុំ ដែលធ្វើឱ្យសាធារណជនមានការអាណិតអាសូរ និង យល់ច្រឡំមកលើរូបខ្ញុំ ដូច្នេះទើបខ្ញុំសូមធ្វើការបំភ្លឺជូនសាធារណជនឱ្យបានជ្រាប»។
សូមអានលម្អិតខាងក្រោម៖
