កម្មមានពិត! យាយបណ្ឌិតថៃដែលនិយាយមើលស្រាលខ្មែរកោកៗ ពេលនេះត្រូវអតីតរដ្ឋមន្ត្រីក្រសួងការបរទេសថៃប្តឹង ព្រោះតែមាត់ឥតគម្រប

ថ្មីកន្លងទៅនេះ នាង Mallika Mahasuk ដែលជាអតីតអ្នកនយោបាយវ័យចំណាស់មួយរូបនៅក្នុងប្រទេសថៃ បានឡើងផ្ដល់បទសម្ភាសនៅតាមបុស្តិ៍ទូរទស្សន៍ ហើយបានបោះសម្តីមើលងាយប្រទេសកម្ពុជាយ៉ាងខ្លាំងសុទ្ធតែជាប្រទេសមានអ្នកសុំទានកន្លះប្រទេសដ គ្មានវប្បធម៌ ធ្វើឱ្យមហាជនមានការខឹងសម្បាមិនតិចឡើយ។

ដោយឡែក មិនត្រឹមតែមើលងាយប្រទេសកម្ពុជានោះទេ តែស្រ្តីរូបនេះក៏បានបោះសម្តីឌឺដងទៅកាន់លោក Noppadon Pattama ដែលអតីតរដ្ឋមន្ត្រីក្រសួងការបរទេសថៃ កាលពីឆ្នាំ ២០០៨ កន្លងទៅផងដែរ ដោយបានចោទថាលោកបានធ្វើឱ្យសុំណុំរឿងក្តីប្រាសាទព្រះវិហារឡើងទៅដល់តុលាការយុត្តិធម៌អន្តរជាតិក្នុងឆ្នាំ ២០១១ ហើយថែមទាំងចោទថាលោកបានធ្វើឱ្យប្រទេសថៃបាត់បង់ប្រាសាទព្រះវិហារទៀតផង។

យ៉ាងណាមិញ មិនរង់ចាំយូរឡើយលោក Noppadon Pattama បានចេញមុខមកបកស្រាយថា ខ្លួនមិនមែនជាអ្នកធ្វើឱ្យរឿងក្តីប្រាសាទព្រះវិហារដល់ដៃតុលាការអន្តរជាតិឡើយ ហើយក៏មិនមែនជាអ្នកធ្វើឱ្យប្រទេសថៃបាត់បង់ប្រាសាទព្រះវិហារឡើយ ពោលគឺនាង Mallika Mahasuk និយាយពាក្យមិនពិត ដូច្នេះហើយលោកសុំប្រកាសប្តឹងនាងនៅក្នុងបទបង្កាច់បង្ខូចកេរ្តិ៍ឈ្មោះ។

ដោយឡែក នាង Mallika Mahasuk ហាក់មិនខ្លាចនោះទេ នាងឌឺដងថែមទៀតទៅកាន់លោក Noppadon ហើយលោក Noppadon សន្យានឹងដំណើររឿងក្តីនេះឱ្យបានលឿនជាទីបំផុត៕

ប្រភព៖ Matichon