នៅថ្ងៃទី ០៧ ខែមីនា ឆ្នាំ ២០២៥ នេះ ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាល បានចេញសេចក្ដីស្រាយបំភ្លឺឆ្លើយតបសាធារណជន ទៅនឹងករណីយុវជនមួយក្រុមជាសិស្សសាលា ស្លៀកពាក់ឯកសណ្ឋានសិស្សជក់បារីថតវីដេអូ បង្ហោះក្នុងបណ្តាញហ្វេសប៊ុក នៅក្នុងរោងមួយកន្លែង ជាសិស្សរៀននៅសាលាវិទ្យាល័យហ៊ុនសែនត្រើយស្លា។
ក្រោយពីទទួលបានព័ត៌មាននេះ នៅថ្ងៃទី ០៧ ខែមីនា ឆ្នាំ ២០២៥ កម្លាំងជំនាញផ្នែកនគរបាលយុត្តិធម៌ស្រុកស្អាងសហការជាមួយកម្លាំងប៉ុស្តិ៍នគរបាលរដ្ឋបាលត្រើយស្លា បានចុះស្រាវជ្រាវទទួលបានលទ្ធផលដូចខាងក្រោម៖
– ករណីៈ សិស្សសាលាប្រមូលផ្ដុំគ្នាជក់បារីរួច ថតវីដេអូបង្ហោះតាមបណ្ដាញសង្គមហ្វេសប៊ុក
– កើតហេតុៈ ថ្ងៃទី ០២ ខែមីនា ឆ្នាំ ២០២៥ វេលាម៉ោង ១៥ និង ៣០ នាទី
– ចំណុចៈ ក្នុងរោងលក់បាយ មុខវិទ្យាល័យសម្តេចតេជោហ៊ុនសែន ត្រើយស្លា ស្ថិតនៅភូមិព្រែកប៉ាន ឃុំត្រើយស្លា ស្រុកស្អាង ខេត្តកណ្ដាល
– មុខសញ្ញាសរុប ចំនួន ១៣ នាក់
១. ឈ្មោះ មករា មួយឆេង ភេទស្រី អាយុ ១៣ ឆ្នាំ មុខរបរ សិស្ស ទីលំនៅភូមិវាលត្រែង ឃុំតាលន់ ស្រុកស្អាង ខេត្តកណ្តាល។ ជាអ្នកជក់បារី ថ្នាក់ទី៨C។
២. ឈ្មោះ នន សុខមុន្នី ភេទស្រី អាយុ ១៤ ឆ្នាំ មុខរបរ សិស្ស ទីលំនៅភូមិវាលត្រែង ឃុំតាលន់ ស្រុកស្អាងខេត្តកណ្តាល។ អ្នកអង្គុយជាមួយ ថ្នាក់ទី៨C។
៣. ឈ្មោះ ហែម ពិសិដ្ឋ ភេទប្រុស អាយុ ១៤ឆ្នាំ មុខរបរ សិស្ស ទីលំនៅភូមិព្រែកតាឯក ឃុំត្រើយស្លា ស្រុកស្អាង ខេត្តកណ្តាល។ ជាអ្នកអង្គុយជាមួយ ថ្នាក់ទី៨F។
៤. ឈ្មោះ ស្រឿន ហឺសុីញ ភេទប្រុស អាយុ ១៥ ឆ្នាំ មុខរបរ សិស្ស ទីលំនៅភូមិព្រែកតាឯក ឃុំត្រើយស្លា ស្រុកស្អាង។ ជាអ្នកអង្គុយជាមួយ ថ្នាក់ទី៧D។
៥. ឈ្មោះណាង លីហុង ភេទប្រុស អាយុ ១៥ ឆ្នាំ មុខរបរសិស្ស ទីលំនៅភូមិព្រែកបាឡាត់ឆឹង ឃុំត្រើយស្លា ស្រុកស្អាង។ ជាអ្នកអង្គុយជាមួយថ្នាក់ទី៨F។
៦. ឈ្មោះ ទីណា ជីវានីកា ភេទស្រី អាយុ ១៥ ឆ្នាំ មុខរបរ សិស្ស មានទីលំនៅភូមិព្រែកបាឡាត់ឆឹង ឃុំត្រើយស្លា ស្រុកស្អាង។ជាអ្នកអង្គុយជាមួយ ថ្នាក់ទី៨E។
៧. ឈ្មោះ វត្ថុ កញ្ញា ភេទស្រី អាយុ ១៤ ឆ្នាំ មុខរបរ សិស្ស ទីលំនៅភូមិថ្កុល ឃុំត្រើយស្លាស្រុកស្អាង។ ជាអ្នកអង្គុយជាមួយ ទី៩E។
៨. ឈ្មោះ គឹម ម៉េងហៀក ភេទប្រុស អាយុ ១៦ ឆ្នាំ មុខរបរ សិស្ស ទីលំនៅភូមិទួលក្តីឃុំត្រើយស្លា ស្រុកស្អាង។ អ្នកអង្គុយជាមួយ ថ្នាក់ទី១០D។
៩. ឈ្មោះ ភិន មួយហ័រ ភេទស្រី អាយុ ១៤ ឆ្នាំ មុខរបរ សិស្ស ទីលំនៅភូមិព្រែកប៉ាន ឃុំត្រើយស្លា ស្រុកស្អាង។ អ្នកអង្គុជាមួយ ថ្នាក់ទី៨D។
១០. ឈ្មោះ ភី គីមថាក់គូ ភេទប្រុស អាយុ ១៤ ឆ្នាំ មុខ សិស្ស នៅភូមិពោធិលើ ឃុំត្រើយស្លាស្រុកស្អាង។ អ្នកអង្គុយជាមួយ ថ្នាក់ទី៧D។
១១. ឈ្មោះ ធី គឹមហួរ ភេទប្រុស អាយុ ១៥ ឆ្នាំ មុខរបរ សិស្ស នៅភូមិព្រែក ឃុំត្រើយស្លាស្រុកស្អាង។ អ្នកអង្គុយជាមួយ ថ្នាក់ទី៩C។
១២. ឈ្មោះ ហេន ចាន់ពណ័ ភេទប្រុស អាយុ ១៤ ឆ្នាំ នៅភូមិពោធិក្រោមឃុំត្រើយស្លា ស្រុកស្អាង ខេត្តកណ្ដាល។ អ្នកអង្គុយជាមួយ ថ្នាក់ទី៨C។
១៣. ឈ្មោះ ថាំង ភេទប្រុស អាយុ ១៦ ឆ្នាំ មុខរបរ មិនពិតប្រាកដ មានទីលំនៅភូមិព្រែក ឃុំត្រើយស្លា ស្រុកស្អាង។ ជាអ្នកថតបង្ហោះតាមហ្វេកប៊ុក។ (គេចខ្លួន)។
ចំពោះករណីនេះ បន្ទាប់ពីបានសួរនាំរួច កម្លាំងជំនាញបានសុំគោលការណ៍តាមឋានានុក្រម និង បានហៅឪពុកម្តាយអាណាព្យាបាលរបស់សិស្ស ធ្វើកិច្ចសន្យា អប់រំណែនាំ នៅប៉ុស្តិ៍នគរបាលរដ្ឋបាលត្រើយស្លា រួចឱ្យត្រឡប់ទៅផ្ទះវិញ៕
