នៅព្រឹកថ្ងៃទី ២១ ខែវិច្ឆិកា ឆ្នាំ ២០២៥ នេះ កម្មវិធីប្រកួតសម្រស់ដ៏អស្ចារ្យ Miss Universe 2025 លើកទី ៧៤ ដែលប្រព្រឹត្តនៅប្រទេសថៃ បានប្រកួតវគ្គផ្ដាច់ព្រ័ត្រ និង រកឃើញម្ចាស់រាជិនីគ្រងមកុដថ្មី Miss Universe ប្រចាំឆ្នាំ ២០២៥ នេះហើយ គឺបានទៅលើបវរកញ្ញាមកពីប្រទេសម៉ិកស៊ិក។
ក្នុងវគ្គប្រកាសលទ្ធផលផ្ដាច់ព្រ័ត្រនេះដែរ មហាជនអ្នកលេងបណ្ដាញសង្គមតាមដានវិស័យបវរកញ្ញាទូទាំងពិភពលោកកំពុងបង្ហាញការអបអរសាទរដោយការពេញចិត្តខ្លាំង ចំពោះម្ចាស់ជ័យលាភីគ្រងមកុដថ្មី Miss Universe 2025 គឺបវរកញ្ញាមកពីប្រទេសម៉ិកស៊ិក ដែលនាងជាបវរកញ្ញាមានទាំងសម្រស់ សមត្ថភាព និង ចំណេះដឹងស័ក្តិសមបំផុតនៃជ័យលាភីជារាជនីគ្រងមកុដថ្មី បន្ទាប់ពីប្រទេសដាណឺម៉ាក នាង Victoria Kjær Theilvig ម្ចាស់មកុដឆ្នាំ ២០២៤។
សម្រាប់បេក្ខភាពបវរកញ្ញាជើងខ្លាំង ៤ រូបទៀត មានបវរកញ្ញាមកពីប្រទេស Côte d’Ivoire ជាប់ជ័យលាភីលំដាប់រងទី ៤, បវរកញ្ញាមកពីប្រទេស Philippine ជាប់ជ័យលាភីលំដាប់រងទី ៣, បវរកញ្ញាប្រទេស Venezuela ជាប់ជ័យលាភីរងទី ២ និង បវរកញ្ញាប្រទេស Thailand ជាប់ជ័យលាភីលំដាប់រងទី ១៕
