នៅថ្ងៃទី ២៦ ខែឧសភា ឆ្នាំ ២០២៥ វេលាម៉ោង ០៦ និង ៥០ នាទី ក្រុមការងារអន្តរាគមន៍បង្ក្រាបបទល្មើសចលនាសត្វ នៃអគ្គដ្ឋានសុខភាពសត្វ និង ផលិតកម្មសត្វ បានចុះស្ទាក់ចាប់រថយន្ត ១ គ្រឿងម៉ាក SSANGYONG ISTANA ដឹកស៊ុតមាន់ចំនួន ៨៥ ដុំ ស្មើនឹង ២៥៥០០ គ្រាប់ ត្រង់ចំណុចជិតរង្វង់មូលកួរស្រូវ សង្កាត់ព្រែកកំពឹស ខណ្ឌដង្កោ រាជធានីភ្នំពេញ។
ទាក់ទិនទៅនឹងករណីនេះ បើតាមការឆ្លើយបញ្ជាក់ពីម្ចាស់ដឹកស៊ុតមាន់ បានឱ្យដឹងថា រថយន្តខាងលើបានដឹកស៊ុតមាន់ចេញពីប្រទេសវៀតណាម តាមច្រករបៀង ស្រុកគិរីវង់ ខេត្តតាកែវ ឆ្ពោះមកលក់ចែកចាយនៅរាជធានីភ្នំពេញ ដោយគ្មានលិខិតអនុញ្ញាតអ្វីទាំងអស់។
ក្រោយឃាត់បានរួចរាល់ ក្រុមការងារបាននាំយកវត្ថុតាង និង បទល្មើសខាងលើ ទៅរក្សារទុកនៅទីតាំងចត្តាឡីស័កសត្វ របស់អគ្គនាយកដ្ឋានសុខភាពសត្វ និង ផលិតកម្មសត្វ ដើម្បីអនុវត្តន៍តាមនីតិវិធីច្បាប់៕
