ក្រោយពីបានក្តោបតំណែងជាគណៈកម្មការកម្មវិធីប្រកួតធ្វើម្ហូបលំដាប់ពិភពលោក MasterChef Cambodia ៤ រដូវកាលមក កញ្ញា ជេស៊ីកា ក៏ទទួលបានការចាប់អារម្មណ៍ និង គាំទ្រមិនតិចនោះដែរ ពីសំណាក់មហាជនអ្នកទស្សនា។ ក្នុងនោះ Chef ជេស៊ីកា ត្រូវបានមហាជនចាប់អារម្មណ៍ខ្លាំង ទាំងជីវិតការងារ និង ឯកជនរបស់នាង។
ងាកមកកាន់រឿងរ៉ាវបេះដូងឯណោះវិញ មានមហាជនជាច្រើនច្បាស់ជាបានជ្រាបហើយថា គណៈកម្មការ ជេស៊ីកា មិននៅទំនេរនោះទេ ពោលគឺ កញ្ញា មានគូដណ្តឹងរួចហើយ។
ជាក់ស្តែង ក្រោយបំពេញតួនាទីជាគណៈកម្មការកម្មវិធី MasterChef Cambodia រដូវកាលទី ៤ ហើយនោះ កញ្ញា ជេស៊ីកា បានធ្វើដំណើរទៅកាន់ប្រទេសនូវែលហ្សេឡង់ (New Zealand) វិញហើយ ដោយគ្រាន់តែទៅដល់ភ្លាម កញ្ញា ទទួលបានកាដូដ៏ធំពីគូដណ្តឹងជូនសម្រាប់ថ្ងៃកំណើតរបស់នាង គឺរថយន្តទំនើបសេរីឆ្នាំ ២០២៥។
ក្នុងនោះដែរ គេបានដឹងថា ខួបកំណើតរបស់គណៈកម្មការ MasterChef Cambodia រូបនេះ តាំងពីអំឡុងខែមិថុនា និង មានមិត្តភក្តិនៅក្នុងស្រុកខ្មែរបានរៀបចំថ្ងៃកំណើតឱ្យកញ្ញាជាហូរហែហើយ ប៉ុន្តែពេលត្រឡប់ទៅកាន់ប្រទេសនូវែលហ្សេឡង់ ទោះជាហួសថ្ងៃកំណើតជិត ១ ខែក្តី ក៏គូដណ្តឹងរបស់កញ្ញា ជេស៊ីកា មិនភ្លេចរៀបចំកាដូធំដើម្បីពញ្ញាក់អារម្មណ៍មនុស្សពិសេសឡើយ៕
