និយាយពីទំនាក់ទំនងរវាងតារាសម្ដែងប្រុសស្រី លោក វ៉ាន់ ដាវីដ និង កញ្ញា ហេង បូនីកា កន្លងមកតែងធ្វើឱ្យអ្នកគាំទ្រចាប់អារម្មណ៍ខ្លាំង ក្រោយពីបានឃើញសកម្មភាពយ៉ាងស្និទ្ធស្នាលជាមួយគ្នា មិនត្រឹមតែក្នុងការងារទេ តែក៏ឃើញសកម្មភាពក្រៅឆាក ទាំងរូបភាព ក៏ដូចជាវីដេអូផ្សេងៗលើបណ្ដាញសង្គម មានកាយវិការផ្អែមល្ហែមលើសពីមិត្តធម្មតា ដែលធ្វើឱ្យអ្នកគាំទ្រគិតថាអ្នកទាំងពីរកំពុងសាងទំនាក់ទំនងស្នេហានឹងគ្នា។
ដោយឡែក កាលពីថ្មីៗកន្លងទៅ លោក វ៉ាន់ ដាវីដ និង កញ្ញា ហេង បូនីកា ក៏ដាច់ចិត្តនិយាយបកស្រាយក្នុងវីដេអូមួយពីទំនាក់ទំនងរបស់អ្នកទាំងពីរច្បាស់ៗ ដោយបញ្ជាក់ឱ្យដឹងថាអ្នកទាំងពីរ គឺពុំមែនជាសង្សារនឹងគ្នាទេ មានន័យថាសកម្មភាពផ្អែមល្ហែមរបស់អ្នកទាំងពីរកន្លងមកពុំមែនជាស្នេហាឡើយ គ្រាន់តែជាទំនាក់ទំនងពិសេសមួយ ដែលយល់ចិត្តស្និទ្ធស្នាល យកចិត្តទុកដាក់ ជួយទុក្ខធុរៈគ្នាទៅវិញទៅមកប៉ុណ្ណោះ។
យ៉ាងណាមិញ ដ្បិតតែបានបកស្រាយពីទំនាក់ទំនងច្បាស់ៗថាមិនមែនជាស្នេហា តែថ្មីៗនេះ តារាប្រុសស្រីមួយគូនេះ នៅតែធ្វើឱ្យមហាជនអ្នកគាំទ្រចាប់អារម្មណ៍ខ្លាំង ក្រោយពីបានឃើញសកម្មភាពរបស់អ្នកទាំងពីរកាន់តែផ្អែមល្ហែម ដែលក្នុងថ្ងៃទិវានៃក្ដីស្រឡាញ់ លោក វ៉ាន់ ដាវីដ បានទិញបាច់ផ្កាជូន កញ្ញា ហេង បូនីកា ក្នុងថ្ងៃពិសេសនេះដូចគូសង្សារដទៃដែរ៕
