ថ្មីៗនេះ នៅតាមបណ្តាញសង្គម TikTok ក្នុងប្រទេសថៃ កំពុងតែមានការផ្ទុះចាប់អារម្មណ៍ជាខ្លាំងទៅលើសម្រស់របស់កំលោះអ្នកលក់ទឹកឪឡឹកក្រឡុកម្នាក់ ដែលនាំឱ្យមហាជនផ្អើលទៅតម្រង់ជួរចាំភ្លក់សឹងតែជាន់កគ្នា។
តូបលក់ទឹកឪឡឹកក្រឡុកមួយនេះ ត្រូវបានគេឱ្យដឹងថាបានបើកលក់នៅក្នុងកម្មវិធីពិរពណ៌កសិកម្ម នាវិទ្យាល័យកសិកម្មមួយកន្លែង នាទីក្រុងបាំងកក។ ក្នុងនោះ មូលហេតុដែលនាំឱ្យមហាជនភ្លូកទឹកភ្លូកដីនាំគ្នាទៅទីនោះ គឺដោយសារតែមានអ្នកលក់ជាប្រុសៗសង្ហាច្រើនរូបណាស់ ដែលកំពុងញាប់ដៃញាប់ជើងធ្វើទឹកក្រឡុកលក់ផង និង ឆ្លៀតចាយសម្រស់ផង។
យ៉ាងណាមិញ ក្នុងនោះដែរ មានអ្នកលក់មួយរូបដែលធ្វើឱ្យមហាជនចាប់អារម្មណ៍ជាងគេ ដោយសារតែសម្រស់របស់គេមើលទៅស្រដៀងទៅនឹងតារាប្រុស Mark Prin ហើយថែមទាំងមានស្នាមញញឹមដែលគួរឱ្យស្រឡាញ់ ឃើញហើយនរណាក៏លង់ដកចិត្តមិនរួច៕
សូមចុចទីនេះដើម្បីទស្សនាវីដេអូ៖
