ថ្មីៗនេះ មានករណីបាត់ខ្លួន Influencer ម៉ាឡេស៊ីដ៏ល្បីម្នាក់អស់ចំនួន ៣ ថ្ងៃ នៅក្នុងព្រៃមួយកន្លែងនាប្រទេសឥណ្ឌូនេស៊ី ក្រោយពីនាងបានចូលទៅជាមួយក្រុមការងារចំនួន ៧ នាក់ដើម្បីធ្វើ Content ទាក់ទងនឹងរឿងអមនុស្ស។
យ៉ាងណាមិញ នៅថ្ងៃទី ៥ ខែកុម្ភៈ ឆ្នាំ ២០២៥ កន្លងទៅ នាងក៏ត្រូវបានគេរកឃើញវិញ នៅចម្ងាយប្រមាណ ២០០ ម៉ែត្រពីកន្លែងដែលនាងបាត់ខ្លួន ហើយក៏ត្រូវបានគេបញ្ជូនទៅមន្ទីរពេទ្យ ចំណែកឯប៉ូលិសក៏បានធ្វើការស៊ើបរឿងនេះបន្ត។ ដោយឡែក ក្រោយពីការស៊ើបសួរ និង ស្រាវជ្រាវមក ខាងអាជ្ញាធរបានរកឃើញថា នាងជាមួយនឹងក្រុមការងារបានប្រឌិតរឿងនេះឡើង ព្រោះតែចង់បាន View ពីសំណាក់មហាជនប៉ុណ្ណោះ គឺមិនមែនជារឿងពិតឡើយ។
យ៉ាងណាមិញ ខាងក្រុមការងារក៏បានចេញមុខសុំទោសអាជ្ញាធររួចរាល់ ហើយក៏បានសន្យាថានឹងមិនធ្វើរឿងបែបនេះទៀតឡើយ តែទោះជាយ៉ាងណាក៏ដោយ ក៏ក្រុមមួយនេះនៅតែគេចមិនរួចពីការរិះគន់របស់មហាជនឡើយ៕
ប្រភព៖ World of Buzz
