ថ្មីៗនេះ អ្នកលេងបណ្តាញសង្គមនានា ជាពិសេស អ្នកគាំទ្រតារាចម្រៀងរ៉េប លោក ជី ដេវីត និង អ្នកនាង ទេព បូព្រឹក្ស បានចាប់អារម្មណ៍គូស្វាមីភរិយាមួយគូនេះយ៉ាងខ្លាំង ខណៈអ្នកទាំង ២ បានបង្ហាញវត្តមានក្នុងកម្មវិធី «Expo 2025 Osaka Kansai» នៅឯប្រទេសជប៉ុន។
ក្នុងការបង្ហាញវត្តមាននៅក្នុង ព្រឹត្តិការណ៍នៃការតាំងពិព័រណ៍លំដាប់ពិភពលោកខាងលើនេះដែរ លោក ជី ដេវីដ និង អ្នកនាង ទេព បូព្រឹក្ស បានធ្វើឱ្យអ្នកគាំទ្រកម្ពុជាបង្ហាញស្នាមញញឹម និង មោទកភាពព្រមគ្នា ក៏ព្រោះតែអ្នកទាំង ២ បានបង្ហាញនូវអត្តសញ្ញាណខ្មែរ ដោយស្លៀកឈុតហូលផាមួងចូលរួមកម្មវិធីខាងលើនោះ។
គួរជម្រាបថា កម្មវិធី «Expo 2025 Osaka Kansai» គឺជាព្រឹត្តិការណ៍អន្តរជាតិដ៏សំខាន់មួយ ដែលរៀបចំរយៈពេល ៦ ខែ ចាប់ពីថ្ងៃទី ១៣ ខែមេសា ដល់ថ្ងៃទី ១៣ ខែតុលា ឆ្នាំ ២០២៥ នៅទីក្រុង Osaka ប្រទេសជប៉ុន ជាមួយនឹងប្រធានបទ «ការរចនាសង្គមអនាគតសម្រាប់ជីវិតរបស់យើង»។ ក្នុងនោះដែរ មានបណ្តាប្រទេសចូលរួមបង្ហាញចំនួនប្រមាណ ១៥៨ ប្រទេស ដោយរួមមានប្រទេសកម្ពុជាយើងផងដែរ៕
