ពិតណាស់ បើនិយាយដល់ឈុតសម្លៀកបំពាក់របស់កូនក្រមុំ ទេព បូព្រឹក្ស ក្នុងថ្ងៃមង្គលការថ្មីៗកន្លងទៅនេះ ឆក់បានការចាប់អារម្មណ៍សរសើរខ្លាំងពីមហាជនអ្នកគាំទ្រជាមួយនឹងភាពស្រស់ស្អាត ប្រណីតនៃឈុតនីមួយៗ ទាំងឈុតក្នុងកម្មវិធីប្រពៃណីផ្សេងៗ និង ឈុតក្នុងកម្មវិធិជប់លៀង។
ជាក់ស្ដែង ក្រឡេកទៅចាប់អារម្មណ៍លើឈុតកូនក្រមុំដ៏ស្រស់ស្អាត ដែលអ្នកនាង ទេព បូព្រឹក្ស បានគ្រងក្នុងកម្មវិធីកាត់នំពេលយប់ក្នុងពិធីជប់លៀងនៃថ្ងៃមង្គលនោះ ដែលឃើញថាជាឈុតពណ៌សដ៏ប្រណីត រចនាឡើងយ៉ាងប្លែករំលេចជាម៉ូដរចនាបថប្រាសាទអង្គរនៅលើដងខ្លួន និង មានបំពាក់ដោយស្បៃកន្ទុយរ៉ូបយ៉ាងវែងជាង ៦ ម៉ែត្រ ច្នៃរំលេចត្បូង និង អង្កាំរចនាបែបខ្មែរលាយសម័យយ៉ាងលេចធ្លោ។
ចំពោះឈុតកូនក្រមុំដ៏ស្រស់ស្អាតដែលអ្នកនាង ទេព បូព្រឹក្ស បានគ្រងក្នុងថ្ងៃពិសេសកន្លងទៅនេះដែរ ជាស្នាដៃរចនាម៉ូដ និង ច្នៃឡើងដោយអ្នកច្នៃម៉ូដឈ្មោះថា Taing Sokhang ដែលមានហ្វេសប៊ុកផេកឈ្មោះ Anjo Fashion Shop រួមជាមួយនឹង ALmée Couture ដែលត្រូវបានគេស្គាល់ថាជាអ្នកច្នៃម៉ូដឈុតដ៏មានស្នាដៃ និង មានទេពកោសល្យ ធ្លាប់ច្នៃរចនាម៉ូដឈុតសម្លៀកបំពាក់ដល់អ្នកសិល្បៈល្បីៗ និង បវរកញ្ញាក្នុងកម្មវិធីជាច្រើនកន្លងមកផងដែរ៕
សូមចុចទីនេះដើម្បីទស្សនាវីដេអូ៖
