កាលពីឆ្នាំ ២០២៣ កន្លងទៅ មានស្រ្តីជនជាតិតៃវ៉ាន់ សញ្ជាតិអាមេរិក វ័យ ៦០ ឆ្នាំម្នាក់ឈ្មោះ Patricia Wu-Murad បានបាត់ខ្លួនយ៉ាងចម្លែកនៅភ្នំមួយកន្លែង នាប្រទេសជប៉ុន ហើយខាងអាជ្ញាធរបានព្យាយាមតាមរកអស់រយៈពេលជាង ២ ទើបប្រទះឃើញ តែជាអកុសលនៅសល់តែឆ្អឹង។
តាមព័ត៌មានបានឱ្យដឹងថា ស្រ្តីរូបនេះបានបាត់ខ្លួនកាលពីថ្ងៃទី ២៣ ខែមេសា ឆ្នាំ ២០២៣ កន្លងទៅ ក្រោយពីចេញពីផ្ទះសំណាក់មួយនៅ Higashiomi ខេត្ត Shiga ប្រទេសជប៉ុន ហើយត្រៀមធ្វើដំណើរទៅទីក្រុង Osaka។ ខាង FBI របស់អាមេរិក និង ប៉ូលិសជប៉ុន ព្រមទាំងអ្នកជំនាញជាច្រើនបានសហការគ្នាតាមរកស្រ្តីរូបនេះ ប៉ុន្តែបើទោះជារកយ៉ាងណាក៏រកមិនឃើញឡើយ។
យ៉ាងណាមិញ កាលពីខែកញ្ញា ឆ្នាំ ២០២៤ កន្លងទៅ មានអ្នកនេសាទម្នាក់បានរកឃើញកាបូបស្ពាយ និង ស្បែកជើងរបស់នាងដោយចៃដន្យនៅក្នុងទឹកអូរក្បែរផ្លូវឡើងភ្នំ ហើយប៉ូលិសក៏បានបើកការតាមរកម្តងទៀត តែក៏នៅតែរកឃើញ។ លុះដល់ថ្ងៃទី ២៧ ខែមេសា ឆ្នាំ ២០២៥ កន្លងទៅ ខាងអ្នកជំនាញបានចុះទៅស្រាវជ្រាវនៅកន្លែងដែលឃើញកាបូបនាងម្តងទៀត ក៏ស្រាប់តែប្រទះឃើញបំណែកឆ្អឹង និង ឆ្អឹងកាំភ្លៅរបស់មនុស្ស។
គេបានយកឆ្អឹងនេះទៅធ្វើ DNA ហើយលទ្ធផលតេស្តក៏បានបញ្ជាក់ថា ឆ្អឹងនោះ គឺជារបស់ Patricia Wu-Murad ពិតមែន ប៉ុន្តែចំពោះមូលហេតុការស្លាប់របស់នាងគេនៅមិនទាន់ដឹងនោះទេ៕
ប្រភព៖ Khaosod
