កាលពីថ្ងៃទី ៣ ខែសីហា កន្លងទៅនេះ មានគ្រូទាយល្បីម្នាក់នៅថៃ ឈ្មោះថាគ្រូ Plai បានទស្សន៍នាយពីស្ថានការណ៍វិវាទព្រំដែនកម្ពុជា ថៃ ថា អាចនឹងមានការប៉ះទង្គិចគ្នាកើតឡើងម្តងទៀតក្នុងរយៈពេលត្រឹម ២ ថ្ងៃ ហើយនឹងអាចធ្ងន់ធ្ងរជាងមុនឆ្ងាយណាស់។
យ៉ាងណាមិញ ក្រោយពីបាននាយបែបនេះ មានប្រជាជនខ្លះក៏បានជឿ ហើយកើតទៅជាការភ័យខ្លាចជ្រួលច្របល់ រហូតដល់មានអ្នកធំនៅក្នុងប្រទេសថៃមួយចំនួន បានចេញមុខមកស្តីបន្ទោស និង គំរាមប្តឹងគ្រូ Plai ទៀតផង ថាចេះតែទស្សន៍នាយមិនបានការ ធ្វើឱ្យមានការជ្រួលច្របល់ក្នុងប្រទេស។
ដោយឡែក ក្រោយពីត្រូវគេរិះគន់ និង គំរាមច្រើនពេក ពេលនេះតាមព័ត៌មានបានឱ្យដឹងថា គ្រូ Plai កំពុងតែពិបាកចិត្ត និង ស្រ្តេសជាខ្លាំង រហូតដល់ត្រូវចូលមន្ទីរពេទ្យសម្រាកព្យាបាលទៀតផង។ គួរឱ្យដឹងដែរថា លើកនេះគ្រូ Plai ហាក់ដូចជាត្រូវព្រនង់ធ្ងន់ណាស់ ព្រោះមានអ្នកធំក្នុងប្រទេសគំរាមប្តឹងច្រើន មិនដូចជាលើកមុន គ្រាន់តែមានមហាជនរិះគន់ហើយ ក៏បាត់ទៅនោះទេ៕
ប្រភព៖ Khaosod
