ចំពោះកំពូលតារាចម្រៀងរ៉េបលោក វណ្ណដា ក្រៅពីទទួលបានការស្រឡាញ់គាំទ្រលើជីវិតសិល្បៈ លោកក៏ត្រូវបានមហាជនចាប់អារម្មណ៍តាមដានលើរឿងរ៉ាវស្នេហាដ៏ផ្អែមល្ហែមរបស់លោក និង សង្សារបណ្ដូលចិត្តកញ្ញា Lauryn ដែរ ដោយតែងអង្រួនចិត្តអ្នកគាំទ្រឱ្យលួចច្រណែនពីភាពផ្អែមល្ហែមរវាងអ្នកទាំងពីរ ជាពិសេសក្ដីស្រឡាញ់ និង ការយកចិត្តទុកដាក់របស់ វណ្ដដា ទៅកាន់គូស្នេហ៍រូបស្រស់។
ជាក់ស្ដែង ថ្មីៗនេះ អ្វីកាន់តែចាប់អារម្មណ៍ចំពោះស្នេហារបស់កំពូលតារាចម្រៀងរូបនេះ ខណៈទំនេរពីការងារសិល្បៈក៏បានឃើញលោកឆ្លៀតនាំសង្សាររូបស្រស់ ទៅដើរលេងកម្សាន្តនៅលើកោះមួយ ដែលកញ្ញា Lauryn បានបង្ហោះរូបភាពជាគូដ៏ស្រស់ស្អាតជាច្រើនសន្លឹកបង្ហាញពីសកម្មភាពផ្អែមល្ហែម និង ភាពគួរឱ្យស្រឡាញ់ខ្លាំងរបស់អ្នកទាំងពីរ។
ជាមួយគ្នានោះ ក្រឡេកមើលមហាជនអ្នកគាំទ្រជាច្រើនក៏កំពុងចែករំលែកនូវរូបភាពរបស់អាយដល វណ្ណដា និង គូស្នេហ៍ ដែលបង្ហាញចិត្តច្រណែន និង ស្ងប់ស្ងែងពីចំណងស្នេហាដ៏គួរឱ្យស្រឡាញ់នេះ ព្រមទាំងមតិភាគច្រើនសុទ្ធសឹងតែចង់បានស្នេហាផ្អែមល្ហែមដូចអាយដលទៀតផង៕
