មួយរយៈចុងក្រោយនេះ យើងសង្កេតឃើញថា អាជីវកម្មហាងកាហ្វេបានរីកលូតលាស់ដូចផ្សិត ខណៈអាជីវកម្មទាំងនោះ ពុំបានផ្ដល់ឱ្យត្រឹមរសជាតិឆ្ងាញ់នោះឡើយ ប៉ុន្តែតែងតែភ្ជាប់មកជាមួយសិល្បៈ និង ការរចនាហាងស្អាតៗប្លែកៗពីគ្នា ទាក់ចិត្តអ្នកនិយមថតរូប ឱ្យទៅទទួលទានភេសជ្ជៈ និង ថតរូបស្អាតៗកម្សាន្តអារម្មណ៍។
ថ្ងៃនេះផងដែរ «ប្រជាប្រិយ» នឹងដឹកដៃប្រិយមិត្តមកស្គាល់ហាងកាហ្វេថ្មីមួយកន្លែង ដែលទើបតែបើកឡើងថ្មីៗ ក្នុងទឹកដីខេត្តសៀមរាប ដែលនៅទីនោះមានឈ្មោះថា ៖ «Blu Kafénio»។
Blu Kafénio គឺជាហាងកាហ្វេដែលទើបនឹងបើកសម្ពោធនៅក្នុងខេត្តសៀមរាប នៅថ្ងៃទី ០១ ខែវិច្ឆិកា ឆ្នាំ ២០២៥ ថ្មីៗនេះ ដែលមានទីតាំងចុះពីរង្វង់មូលផ្សារចាស់តាមផ្លូវ BBU មក200ម បត់ចូលផ្លូវតូចខាងស្តាំដៃ។ ហាងកាហ្វេថ្មីស្រឡាងនេះផងដែរ ត្រូវបានគេស្គាល់ថា មានរចនាបថច្នៃប្រឌិតពោរពេញទៅដោយពណ៌ខៀវស្រទន់ ប្រៀបប្រដូចទៅនឹងកោះ Santorini នៃប្រទេសក្រិច ដែលមានប្លង់ថតរូបប្លែកៗភ្នែកជាច្រើនផងដែរ៕
សូមចុចទីនេះដើម្បីមើលទីតាំង
