នៅថ្ងៃទី ២០ ខែកក្កដា ឆ្នាំ ២០២៥ វិទ្យាស្ថានជាតិសហគ្រិនភាព និង នវានុវត្តន៍ បានជូនដំណឹងដល់យុវជនមកពីគ្រួសារក្រីក្រ គ្រួសារងាយរងហានិភ័យ កម្មករនិយោជិតនៃសេដ្ឋកិច្ចក្នុង និង ក្រៅប្រព័ន្ធ និង សារធារណៈជន អំពីការជ្រើសរើសសិស្សឱ្យចូលរៀនវគ្គបណ្តុះបណ្តាលជំនាញវិជ្ជាជីវៈ និង បច្ចេកទេស ១,៥ លាននាក់ ដោយឥតគិតថ្លៃ ដែលវគ្គថ្មីនឹងបើកចូលរៀនខែសីហា ឆ្នាំ ២០២៥ ខាងមុខនេះហើយ។
ក្នុងនោះ មុខជំនាញទាំង ០៦ មុខ ដែលផ្ដល់ជូនមានដូចខាងក្រោម៖
១. ជំនាញសហគ្រិនភាព (ការបង្កើតអាជីវកម្មថ្មី)
២. ជំនាញការផលិតនំ
៣. ជំនាញធុរកិច្ចភេសជ្ជៈ (ការឆុងកាហ្វេ និង ភេសជ្ជៈ)
៤. ជំនាញការធ្វើម្ហូបខ្មែរ
៥. ជំនាញសេវាកម្មសម្អាងកាយ (សាឡន)
៦. ជំនាញការក្រឡុកស្រា
ចំពោះអត្ថប្រយោជន៍ដែលនឹងទទួលបានពីវគ្គបណ្តុះបណ្តាលមានដូចជា៖
– ជំនាញមួយច្បាស់លាស់ដែលទីផ្សារកំពុងត្រូវការ
– ឱកាសការងារសមរម្យ និង ចំណូលទៀងទាត់
– ប្រាក់ឧបត្ថម្ភចំនួន ២៨ ម៉ឺនរៀល ក្នុង ១ ខែ សម្រាប់សិស្សដែលមានប័ណ្ណសមធម៌ ឬ ប័ណ្ណសំគាល់គ្រួសារងាយរងហានិភ័យ។
ចំពោះការចុះឈ្មោះចូលរៀន លោកអ្នកអាចចុះឈ្មោះតាមរយៈលីង «https://forms.gle/Akk2TLGgE4uWeYuEA» ឬ អាចចុះឈ្មោះផ្ទាល់នៅវិទ្យាស្ថានជាតិសហគ្រិនភាព និង នវានុវត្តន៍ (NIEI) ដែលបើកទទួលពាក្យចាប់ពីថ្ងៃជូនដំណឹងនេះតទៅ ខណៈវគ្គសិក្សាថ្មី នឹងចាប់ផ្តើមនៅថ្ងៃទី ២ ខែសីហា ឆ្នាំ ២០២៥ ខាងមុខ។ ចំពោះព័ត៌មានបន្ថែម អាចទំនាក់ទំនងទូរស័ព្ទលេខ៖ 012328933, 081 429 969, 012 403 644, 093 808 057, 096 735 1019, 071 643 5388៕
