នៅថ្ងៃទី ២០ ខែវិច្ឆិកា ឆ្នាំ ២០២៥ នេះ សារព័ត៌មានក្នុងប្រទេសថៃ បានរាយការណ៍ពីករណីធ្លាយទូកដឹកអ្នកដំណើរមួយគ្រឿងនៅកណ្តាលទន្លេ ដែលបង្កឱ្យអ្នកដំណើរជាង ៩០ នាក់ ភ័យស្លន់ស្លោរព្យាយាមរកជំនួយ។

តាមព័ត៌មានបានឱ្យដឹងថា ទូកមួយគ្រឿងនេះបានដឹកអ្នកដំណើរប្រមាណ ៨៩ នាក់ចេញពីកោះ Kood ខេត្តត្រាត លុះមកដល់កន្លែងកើតហេតុក៏ស្រាប់តែលិចធ្លាយបាត បង្កឱ្យមានការភិតភ័យ ហើយក៏បានស្វែងរកជំនួយពីអាជ្ញាធរ។ ក្នុងនោះ អាជ្ញាធរបានចុះទៅអន្តរាគមន៍ជួយ ដោយបានយកទូកសង្រ្គោះ ក៏ដូចជាទូកអ្នកនេសាទទៅទទួលអ្នកដំណើរចេញពីទូកកើតហេតុនោះភ្លាមៗ ដែលមកទល់ពេលនេះទទួលយកមកលើគោកដោយសុវត្ថិភាពបានចំនួន ៤៧ នាក់ហើយ។

យ៉ាងណាមិញ មិនមានអ្នកដំណើរណាម្នាក់មានរបួស ឬបាត់បង់ជីវិតឡើយ ហើយខាងអាជ្ញាធរក៏កំពុងតែដុតដៃដុតជើងជួយអ្នកដំណើរតែនៅសល់ និងត្រៀមត្រួតពិនិត្យរកមូលហេតុនៃការលិចធ្លាយនេះផងដែរ៕


ប្រភព៖ Khaosod