មហាជននិយមតាមដានព័ត៌មានតារា ជាពិសេសអ្នកនាង តែ ស៊ុនសុដាលីកា អតីតសមាជិកក្រុម OMG ច្បាស់ជាបានជ្រាបហើយ បន្ទាប់ពីចាកចេញពីក្រុមអ្នកម៉ាក់កូន ១ ស្រស់សោភារូបនេះ ក៏មិនបានបន្តអាជីពចាស់ជាអ្នកច្រៀងទៀតនោះឡើយ ពោលគឺបច្ចុប្បន្ននាងបានក្លាយទៅជាអ្នកផលិតមាតិកា និង ជាតារាម៉ូដែលរបស់បណ្តាផលិតផលក្រុមហ៊ុនជាច្រើន។
មហាជនបានជ្រាបហើយថា ក្រោយពីរៀបការសាងគ្រួសារ អ្នកនាង តែ ស៊ុនសុដាលីកា ក៏ទទួលបានចំណងដៃកូនប្រុសមួយរូប។ ម្យ៉ាងវិញទៀត បើនិយាយពីជីវិតឯកជនវិញ តារាស្រីរូបនេះក៏ត្រូវបានចាត់ទុកថាជានារីមានសំណាង ដោយមានស្វាមីស្រឡាញ់យល់ចិត្ត ហើយបើនិយាយពីជីវភាពគ្រួសារវិញក៏ស៊ីវីល័យណាស់ដែរ។
ដោយឡែក ថ្មីៗនេះ អ្នកលេងបណ្តាញសង្គម Tik Tok បានចាប់អារម្មណ៍នឹងចំណូលចិត្តនៃការដើរកម្សាន្តរបស់អ្នកនាង តែ ស៊ុនសុដាលីកា ដែលមើលទៅខុសប្លែកពីនារីៗដទៃ ដោយជារឿយៗគេបានឃើញអ្នកម៉ាក់ស្រស់សោភារូបនេះ ចូលចិត្តដើរព្រៃ ជិះឡាន ជិះម៉ូតូធំ បោះតង់ ផ្សងឧបសគ្គយ៉ាងក្លាហានដូចមនុស្សប្រុសអ៊ីចឹង៕
