ពិតណាស់ ថ្មីៗនេះ អ្នកលេងបណ្តាញសង្គមហ្វេសប៊ុក ច្បាស់ជាបានជ្រាបមកហើយនូវរឿងរ៉ាវក្តៅគគុក កើតឡើងទៅកាន់ក្រុមគ្រួសាររបស់តារាចម្រៀងរ៉េប ជី ដេវីត និង អ្នកនាង ទេព បូព្រឹក្ស ក្រោយផេក «អាក្លូ» បានបង្ហោះវីដេអូ ប្រើពាក្យសម្តីប៉ះពាល់ដល់កូនរបស់ពួកគេ។
ក្នុងនោះ ផេក «អាក្លូ» បានផលិតវីដេអូបែបកំប្លែង Troll ដោយបញ្ជូលសំឡេងដូចសព្វមួយដង ក្នុងវីដេអូមួយមានចំណងជើងថា «Diss រាក់កំភែល» ដោយធ្វើឱ្យមហាជនផ្ទុះប្រតិកម្ម ជាពិសេស ក្រុមគ្រួសាររបស់លោក ជី ដេវីត និង អ្នកនាង ទេព បូព្រឹក្ស មិនអាចលើកលែងបាន ខណៈផេកខាងលើបានប្រើពាក្យមួយឃ្លាប៉ះពាល់យ៉ាងខ្លាំងថា «មិនដូចជាអ្នកខ្លះ កូនកើតមកទាន់ម៉ែឪការ» តែក្រោយមក វីដេអូនោះក៏បានលុបចេញពីលើផេកហើយដែរ។
ងាកមកកាន់លោក ជី ដេវីត វិញ ក្រោយផ្ទុះរឿងរ៉ាវខាងលើ បណ្តាលឱ្យប៉ះពាល់ផ្លូវចិត្តរបស់ភរិយា គឺអ្នកនាង ទេព បូព្រឹក្ស និង ក្រុមគ្រួសារនោះ លោកបានចេញសេចក្តីជូនដំណឹងជាសាធារណៈ ខណៈលោក កំពុងតែធ្វើការជាមួយមេធាវីចាត់វិធានការណ៍ទៅតាមផ្លូវច្បាប់ទៅកាន់ផេក «អាក្លូ»។
ក្រោយពីប្រកាសរៀបចំវិធានការណ៍តាមផ្លូវច្បាប់ជាមួយមេធាវី មកដល់ល្ងាចថ្ងៃទី ១០ ខែកុម្ភៈ ឆ្នាំ ២០២៥ នេះ ក៏បានឃើញតារាប្រុស ជី ដេវីត បង្ហោះជាថ្មីលើហ្វេសប៊ុកផេក ដែលបានបង្ហាញលិខិតចំណាត់ការរបស់មេធាវីជាផ្លូវការ ដោយក្នុងនោះលោក ជី ដេវីត ក៏បានដាក់ពាក្យបណ្តឹងទៅអង្គការ UNICEF នៅកម្ពុជា ដើម្បីជំរុញដល់ការលុបជាអចិន្ត្រៃយ៍គ្រប់គណនីហ្វេសប៊ុកប៉ះពាល់សិទ្ធិកុមារនៅកម្ពុជាគ្រប់រូបភាពដែរ។
ដោយឡែកនៅថ្ងៃទី ១២ ខែកុម្ភៈ ឆ្នាំ ២០២៥ នេះ ផេកផ្លូវការរបស់ UNICEF Cambodia បានចេញសេចក្ដីថ្លែងការណ៍របស់លោកបណ្ឌិត Will Parks នាយកយូនីសេហ្វប្រចាំកម្ពុជា ទាក់ទងនឹងករណីរបស់កូនប្រុសលោក G-Devith ដោយក្នុងនោះសេចក្តីលម្អិតមានដូចខាងក្រោម ៖
