មហាជនអ្នកប្រើប្រាស់បណ្ដាញសង្គម បាននាំគ្នាសម្ដែងការភ្ញាក់ផ្អើល និង ចែករំលែកបន្តគ្នាព្រោងព្រាត ករណីនារីវ័យក្មេងមួយរូប ថតវីដេអូកាន់កាំបិតប៉័ងតោ និង សៀតចង្កេះ បង្ហោះនៅលើបណ្ដាញសង្គម។
ទាក់ទិនទៅនឹងករណីនេះ នៅព្រឹកថ្ងៃទី ១១ ខែមិថុនា ឆ្នាំ ២០២៥ នេះ ស្នងការដ្ឋាននគរបាលខេត្តកំពត បានបញ្ជាក់ឱ្យបានដឹងថា បច្ចុប្បន្នស្ត្រីដែលជាអ្នកថតវីដេអូខាងលើ ត្រូវបានអធិការដ្ឋាននគរបាលស្រុកកំពង់ត្រាច នៃស្នងការដ្ឋាននគរបាលខេត្តកំពត អញ្ជើញទៅអប់រំ នៅអធិការដ្ឋាននគរបាលស្រុកហើយ។
ស្នងការដ្ឋាននគរបាលខេត្តកំពត បានបញ្ជាក់ឱ្យដឹងបន្ថែមថា ៖ «ឱកាសមានតែម្តងទេ មិនមានជាលើកទីពីរទេ លើកនេះអប់រំនៅអធិការស្រុក បើមានលើកទីពីរ កន្លែងអប់រំគឺនៅកន្លែងផ្សេង បើមិនជឿសាកបាន»៕
