មេទ័ពកម្ពុជា ប្រាប់អនុព័ន្ធយោធាទាំង ១៣ ប្រទេសថា ថៃចាប់ទាហានខ្មែរ ២០ នាក់ រត់រួចម្នាក់ សង្ស័យស្លា-//ប់ ២ នាក់ ក្រោយបទឈប់បា//ញ់ចូលជាធរមាន

នៅថ្ងៃទី ៣០ ខែកក្កដា ឆ្នាំ ២០២៥ នេះតំណាងយោធាមកពី ១៣ ប្រទេស បានចុះដល់សមរភូមិអានសេះ ខេត្តព្រះវិហារ ដើម្បីពិនិត្យផ្ទាល់នូវអានុភាពគ្រាប់កាំភ្លើងធំរបស់ថៃ បំផ្លាញរូបសំណាក ផ្សារ ផ្លូវ និងផលប៉ះពាល់នានា ក្រោមការជួយសម្របសម្រួលពីសំណាក់មេទ័ពកម្ពុជា។

តាមរយៈជំនួបនេះ មេទ័ពកម្ពុជា បានប្រាប់អនុព័ន្ធយោធា និង មន្រ្តីទូតនានាចំនួន ១៣ ប្រទេសអំពីហេតុការណ៍ ដែលទាហានថៃចាប់ខ្លួនទាហានកម្ពុជាចំនួន ២០ នាក់ (រត់រួចម្នាក់, សង្ស័យថៃបានបាញ់សម្លាប់ ២ នាក់) ក្រោយបទឈប់បាញ់ចូលជាធរមាន ខណៈការចាប់ខ្លួននេះ នៅពេលទាហានកម្ពុជា ដើរទៅចាប់ដៃគ្នាជាមួយទាហានថៃ នៅសមរភូមិជាំតែ។

កងទ័ពកម្ពុជា បានបញ្ជាក់ប្រាប់អនុព័ន្ធយោធាទាំង ១៣ ប្រទេសថា នៅពេលបទឈប់បាញ់ចូលជាធរមាន នាព្រឹកថ្ងៃទី ២៩ ខែកក្កដា ឆ្នាំ ២០២៥ ទាហានកម្ពុជា បានដើរទៅចាប់ដៃគ្នាជាមួយទាហានថៃ លុះពេលដើរត្រឡប់មកវិញ ស្រាប់តែទាហានថៃភ្ជង់កាំភ្លើង និងចាប់ខ្លួនទាហានកម្ពុជាតែម្ដង។ បើតាមការអះអាងរបស់មេទ័ពកម្ពុជា រហូតមកទល់រសៀលថ្ងៃទី ៣០ ខែកក្កដា ឆ្នាំ ២០២៥ ក្រុមទាហានថៃមិនទាន់ដោះលែងទាហានកម្ពុជានៅឡើយទេ៕

ចូលចុចទីនេះ ដើម្បីទស្សនាវីដេអូ ៖