ធ្មេចបើកៗ ថ្ងៃពិសេសរបស់តារាចម្រៀងស្រី រ៉ាប៊ី និង កីឡាបាល់ទាត់កូនកាត់ខ្មែរ-អាមេរិក Nick Taylor បានឈានមកដល់ហើយ ដោយនៅរសៀលថ្ងៃទី ០៨ ខែឧសភា ឆ្នាំ ២០២៥ នេះ កូនកំលោះក្រមុំ ខាងលើនឹងរៀបចំពិធីសូត្រមន្ត ក្រុងពលី ខណៈមង្គលការនឹងរៀបចំឡើងនៅថ្ងៃទី ០៩ ខែឧសភា ឆ្នាំ ២០២៥ ខាងមុខនេះ។
ដោយឡែក ងាកទៅកាន់កូនក្រមុំកំលោះឯណោះវិញ មុននឹងពិធីមង្គលការចាប់ផ្តើម ម្នាក់ៗហាក់មិនសូវមានពេលទំនេរនោះឡើយ ពោលគឺទាំងកញ្ញា រ៉ាប៊ី និង លោក Nick Taylor កាន់តែមានការងារចូលមកជាបន្តបន្ទាប់។
ជាក់ស្តែង បើនិយាយពីកូនកំលោះ លោក Nick Taylor ឯណោះវិញ ពុំមានពេលសម្រាកសោះឡើយ ដោយមុនដល់ថ្ងៃចូលរោង គឺលោក Nick Taylor មានការប្រកួតបាល់ទាត់ជាប់ៗគ្នា ដោយនៅថ្ងៃទី ០៧ ខែឧសភា ឆ្នាំ ២០២៥ ពោលគឺមុនថ្ងៃចូលរោង ១ ថ្ងៃ លោកក៏មានការប្រកួតបាល់ទាត់ ហើយបន្ទាប់ពីថ្ងៃរៀបការរួច ១ ថ្ងៃ ពោលគឺ នៅថ្ងៃទី ១០ ខែឧសភា ឆ្នាំ ២០២៥ គឺលោកក៏មានការប្រកួតធំវគ្គផ្តាច់ព្រ័ត្រ AFC Challenge League 2024/2025 រវាងព្រះខ័នរាជស្វាយរៀង និង FC Arkadag នៅឯពហុកីឡដ្ឋានជាតិមរតកតេជោ៕
