ពិតណាស់ ថ្មីៗនេះ កម្មវិធីប្រកួតសម្រស់កម្ពុជា Miss Supranational Cambodia 2025 បានបើកដំណើរការប្រកួតជ្រើសរើសបេក្ខភាពជាផ្លូវការហើយ ដើម្បីស្វែងរកម្ចាស់រាជិនីគ្រងមកុដ Miss Supranational Cambodia ប្រចាំឆ្នាំ ២០២៥ នេះ។
ស្របពេលកំពុងដំណើរការប្រកួតនេះដែរ មហាជនកំពុងក្រឡេកចាប់អារម្មណ៍មើលទៅបេក្ខភាពនីមួយៗដែលសុទ្ធសឹងតែមានរូបសម្រស់ស្រស់ស្អាត ព្រមទាំងមានសមត្ថភាពទេពកោសល្យ និង ចំណេះដឹងរៀងៗខ្លួន។
កន្លងទៅនេះ កម្មវិធីប្រកួត Miss Supranational Cambodia 2025 ក៏បានឈានដល់វគ្គ Supra Gate Audition ជាវគ្គដែលបេក្ខភាពនីមួយៗបង្ហាញខ្លួនលើកដំបូង និង មានការសម្ភាសជ្រើសរើសជាបេក្ខភាពផ្លូវការនៃកម្មវិធី ហើយក្រោយមកក៏មានការបំពាក់ឆៀងថែមទៀត ដែលវគ្គនោះកាន់តែបានឃើញពីសមត្ថភាពរបស់បេក្ខភាពទាំងគឺពិតខ្លាំង និង គួរឱ្យចាប់អារម្មរណ៍។
យ៉ាងណាមិញ អ្វីកាន់តែធ្វើឱ្យមហាជនអ្នកគាំទ្រវិស័យបវរកញ្ញាកំពុងចាប់អារម្មណ៍ និង តាមដានខ្លាំងលើបេក្ខភាពដ៏លេចធ្លោ ២ រូប ដែលត្រូវបានគេស្គាល់ថាសុទ្ធសឹងតែជាបវរកញ្ញាធ្លាប់មានបទពិសោធច្រើន ហើយមានដំណែងជាម្ចាស់មកុដក្នុងកម្មវិធីធំៗ គឺកញ្ញា ហុក សារិតុលា Miss Wisdom Cambodia 2021 និង កញ្ញា ឈុំ ចាន់ដារ៉ា ម្ចាស់មកុដ Miss Supranational Cambodia 2024។
បេក្ខភាពបវរកញ្ញាទាំង ២ រូបនេះ កំពុងធ្វើឱ្យមហាជនអ្នកគាំទ្ររពឹងចាំមើលខ្លាំង ថាតើបេក្ខភាពរូបណាអាចនឹងមានឱកាសដណ្ដើមមកុដ MSC ឆ្នាំ ២០២៥ នេះ ដែលឃើញទាំងប្រជាប្រិយភាព ទាំងសមត្ថភាព និង ចំណេះដឹង ហាក់លេចធ្លោប្រដោះប្រសងគ្នា៕
