សារព័ត៌មាន CTWANT បានរាយការណ៍ពីករណីនៅតៃវ៉ាន់ ដែលមាននារីវ័យ ២០ ឆ្នាំម្នាក់ត្រូវគេបញ្ជូនទៅសង្រ្គោះបន្ទាន់ ដោយសារតែដាច់សរសៃឈាមខួរក្បាល ក្រោយពីសង្សារបឺតជញ្ជក់កញ្ចឹងកខ្លាំងពេក ខណៈកំពុងមានអីៗជាមួយគ្នា។
តាមព័ត៌មានបានឱ្យដឹងថា ខណៈកំពុងមានសកម្មភាពផ្លូវភេទជាមួយគ្នា ខាងប្រុសបានបឺតជញ្ជក់កខាងស្រីយ៉ាងខ្លាំង ស្រាប់តែនាងទៅជាស្ពឹក និងទន់ដៃទន់ជើង ហើយដួលបោកក្បាលនឹងអិដ្ឋ ទើបសង្សារប្រញាប់បញ្ជូនទៅមន្ទីរពេទ្យ។ តាមការវិនិច្ឆ័យបានឱ្យដឹងថា នារីរូបនេះបានកើតការដាច់សរសៃឈាមខួរក្បាល Ischemic Stroke ដោយសារតែសង្សារនាងបានបឺតកនាងខ្លាំង រហូតបណ្តាលប៉ះនឹងស្រទាប់ខ្លាញ់ និង ស្ទះសរសៃឈាម Carotid Artery ធ្វើឱ្យឈាមមិនហូរទៅខួរក្បាល ចុងក្រោយក៏បង្កទៅជាការដាច់សរសៃឈាមខួរក្បាល។
យ៉ាងណាមិញ គ្រូពេទ្យបានដាស់តឿនថា បើអាចពេលមានសកម្មភាពផ្លូវភេទ គួរតែចៀសវាងការបឺតជញ្ជក់នៅក ព្រោះអាចប៉ះពាល់ដល់សរសៃឈាមសំខាន់ៗ ដែលនាំឱ្យកើតរឿងមិននឹកស្មានដូចជាករណីនេះឯង៕
ប្រភព៖ Kapook
