កាលពីថ្ងៃទី ០៦ ខែមិថុនា ឆ្នាំ ២០២៥ កន្លងទៅ ពេលវេលាដែលអ្នកគាំទ្រ ជាពិសេស មិត្តភក្តិ ព្រមទាំងសាមីខ្លួនបានរង់ចាំបានមកដល់ហើយ គឺថ្ងៃចូលរោងជ័យរបស់តារាចម្រៀងរ៉េប ទេព បូព្រឹក្ស និង លោក ជី ដេវីត។
ក្នុងនោះ នៅថ្ងៃក្រុងពាលី សូត្រមន្ត គេបានការរៀបចំពិធីគឺប្រារព្ធទៅតាមប្រពៃណីរួមមាន កាត់ខាន់ស្លា និង បុកល័ក្ខផងនោះ គឺរៀបចំយ៉ាងល្អឥតខ្ចោះទាំងសម្លៀកបំពាក់ និង ទម្រង់តាមក្បួនខ្នាតពីដូនតាថែមទៀតផង។
ដោយឡែក នៅព្រឹកថ្ងៃទី ០៧ ខែមិថុនា ឆ្នាំ ២០២៥ នេះ កម្មវិធីមង្គលការរបស់គូស្វាមីភរិយាខាងលើ បាន និង កំពុងប្រព្រឹត្តដោយអធឹកអធមមានការចូលរួមពីសំណាក់ភ្ញៀវកិត្តិយសគ្រប់ជាន់ថ្នាក់។ ម្យ៉ាងវិញទៀត បើនិយាយពីរូបឆោមលោមពណ៌នាថ្ងៃមង្គលការនេះដែរ មហាជនមិនត្រឹមតែចាប់អារម្មណ៍នឹងសម្រស់របស់អ្នកនាង ទេព បូព្រឹក្ស និង លោក ជី ដេវីដ នោះឡើយ ពោលគឺសូម្បីតែអ្នកកំដរ ក៏គួរឱ្យចាប់អារម្មណ៍ដែរ។
គួរជម្រាបថា កាលពីពិធីបុកល័ក្ខ គឺមានអ្នកកំដរចំនួន ៤ គូ រីឯនៅថ្ងៃមង្គលការព្រឹកនេះវិញ មានអ្នកកំដរតែ ៣ គូ ប៉ុណ្ណោះ ដែលរួមមានទាំងបវរកញ្ញាជាម្ចាស់មកុដ ព្រមទាំងបុរសឯង Freshy Boy ពិធីករ ពិធីការិនី និង តារាចម្រៀង ដោយអ្នកកំលោះម្នាក់ៗសុទ្ធតែមានរូបរាងស្រស់សង្ហា និង ស្រស់សោភាគួរឱ្យគយគន់៕
Picture to right owner
