បើទោះជាទើបតែបោះជំហានឈានប្រឡូកក្នុងវិស័យសិល្បៈរយៈពេលខ្លីក៏ពិត ប៉ុន្តែតារាស្រី ខន សូរិយា បានចាប់យកតំណែងប្រជាប្រិយភាពបានក្នុងបេះដូងអ្នកគាំទ្រ ព្រោះទេពកោសល្យ សមត្ថភាពសម្តែងបត់បែនតាមតួអង្គគ្រប់ទម្រង់។
ដោយឡែក រយៈពេល ១ ឆ្នាំ ចុងក្រោយនេះ កញ្ញា ខន សូរិយា បានក្តោបបានតំណែងតួឯកក្នុងខ្សែភាពយន្តជាបន្តបន្ទាប់ ដោយថ្មីៗនេះភាពយន្តចុងក្រោយដែលនាងបានសម្តែងចប់ និង កំពុងចាក់បញ្ចាំងគឺរឿង «អ្នកតាកំបុតក្បាល»។
ស្របពេលខ្សែភាពយន្ត «អ្នកតាកំបុតក្បាល» កំពុងចាក់បញ្ចាំងនៅតាមបណ្តារោងភាពយន្តនោះ កុមារី ពេជ្ញម៉ានីកា ដែលជាតួអង្គសំខាន់ក្នុងរឿងខាងលើជាមួយនឹងកញ្ញា ខន សូរិយា បានបញ្ចេញវីដេអូក្រៅឆាកមួយត្រង់ឈុតកញ្ញា ខន សូរិយា ធ្លាក់ពីលើកាំជណ្តើរ គឺបានបែកក្បាលមែនទែន។
ក្នុងនោះ ពេជ្ញម៉ានីកា បានបន្ថែមថា ឈាមដែលបង្ហាញក្នុងរឿងត្រង់ឈុតនេះ គឺជាឈាមពិតរបស់កញ្ញា ខន សូរិយា ហើយកញ្ញា ខន សូរិយា ត្រូវដេររបួសក្បាលនេះអស់ចំនួន ៩ ថ្នេរ៕
សូមចុចទីនេះ ដើម្បីទស្សនាវីដេអូ៖
