ក្រោយពីកំពូលតារាចម្រៀង មាស សុខសោភា ចេញវីដេអូបកស្រាយ និង ឆ្លើយតបទៅកាន់មហាជនជុំវិញរឿងរ៉ាវទំនាក់ទំនងរវាងអ្នកនាង និង តាសក់សភ្នំត្បែងច្បាស់ៗ ថាជាស្វាមីភរិយាហើយនោះ កន្លងមក អ្នកនាង មាស សុខសោភា ក៏បានបង្ហោះទម្លាយជុំវិញរឿងជីវីតប្ដីប្រពន្ធរបស់អ្នកនាងជាមួយនឹងអតីតស្វាមី គឺលោក អ៊ិត រ៉ាដា ផងដែរ។
ក្នុងការបង្ហោះនោះ អ្នកនាង មាស សុខសោភា បានរៀបរាប់ពីជីវិតប្ដីប្រពន្ធរវាងអ្នកនាង និង អតីតស្វាមី ដែលបានទម្លាយរឿងរ៉ាវជាច្រើនក្នុងពេលសាងជីវិតគ្រួសារជាង ១០ ឆ្នាំកន្លងមក ដែលបានឱ្យដឹងថាអ្នកនាងជាអ្នករកស៊ីចិញ្ចឹមស្វាមី និង រ៉ាប់រងគ្រួសារទាំងមូល ប៉ុន្តែមិនទទួលបានការឱ្យតម្លៃពីស្វាមី និង ត្រូវចោទប្រកាន់ថាផិតក្បត់ជាច្រើនលើកច្រើនសា ទាំងដែលអ្នកនាងខំសាងសុភមង្គលគ្រួសារ ខំរកស៊ីរកលុយចេញច្រៀងរហូតធ្លាប់បាត់បង់កូនក្នុងផ្ទៃទៀតផង។
យ៉ាងណាមិញ តាមរយៈសំណេរយ៉ាងវែងអន្លាយទម្លាយពីរឿងរ៉ាវរបស់អតីតស្វាមី ថារស់នៅស៊ីចាយប្រាក់កាសរបស់អ្នកនាង មាស សុខសោភា ហើយនោះ ស្រាប់តែមានអ្នកសិល្បៈ ព្រមទាំងមិត្តស្និទ្ធស្នាលរបស់ អ្នកនាង មាស សុខសោភា និង លោក អ៊ិត រ៉ាដា បានចេញមុខមកប្រតិកម្ម ដោយភាគច្រើនមានទំនោរនៅខាងលោក អ៊ិត រ៉ាដា ពោលគឺ អ្នកនាង មាស សុខសោភា និយាយហាក់ខុសទាំងស្រុង។
ជាក់ស្តែង ថ្មីៗនេះ តារាចម្រៀងរ៉េប ប៊ប់ ដែលធ្លាប់ជាដៃគូចម្រៀង និង រាប់អានអ្នកនាង មាស សុខសោភា ព្រមទាំងលោក អ៊ិត រ៉ាដា ដូចបងប្អូននោះ បានចេញមកឆ្លើយតបនឹងសំណេររបស់អ្នកនាង មាស សុខសោភា ថាមិនពិតដូចអ្នកនាង បានលើកឡើងលើផេកនោះទេ ព្រោះតែលោក អ៊ិត រ៉ាដា គឺជាបុគ្គលម្នាក់ ដែលមើលការខុសត្រូវលើការងារទាំងអស់របស់ មាស សុខសោភា កន្លងមក។ លើសពីនោះ លោកបានលើកឡើងថា អ្នកនាង មាស សុខសោភា និង លោក អ៊ិត រ៉ាដា គឺជាជនរងគ្រោះពិតប្រាកដ៕
សូមចុចទីនេះ ដើម្បីទស្សនាវីដេអូលម្អិត៖
