កាលពីថ្ងៃទី ១៤ ខែតុលា ឆ្នាំ ២០២៥ កន្លងទៅនេះ ព្រះអង្គម្ចាស់នៃប្រទេសប្រ៊ុយណេ គឺ Abdul Mateen បានប្រកាសដំណឹងល្អថា ព្រះជាយារបស់ទ្រង់បានតាំងព្រះគភ៌បុត្រដំបូងហើយ។
ព្រះអង្គម្ចាស់ Abdul Mateen បានប្រកាសដំណឹងល្អនេះ តាមរយៈបណ្តាញសង្គម IG របស់ទ្រង់ ដោយបានផុសនូវរូបថតផ្អែមល្ហែមរបស់ទ្រង់មួយសន្លឹក ដែលកំពុងកាន់ដៃព្រះជាយា រួមជាមួយនឹង Caption ថា « And then there were 3» មានន័យថា បន្ទាប់មកយើងមាន ៣ នាក់ ដែលបញ្ជាក់ថាទ្រង់កំពុងទទួលបានសមាជិកថ្មីចូលមកក្នុងគ្រួសារហើយ។
គួរឱ្យដឹងដែរថា ព្រះអង្គម្ចាស់ Abdul Mateen និងព្រះជាយា Anisha បានចូលពិធីអភិសេកកាលពីខែមករា ឆ្នាំ ២០២៥ កន្លងទៅ ហើយមកទល់ពេលនេះ ទ្រង់ទាំងពីរក៏បានស្វាគមន៍សមាជិកថ្មី ក្រោមការអបអរសាទរពីសំណាក់អ្នកគាំទ្រជាច្រើនដោយក្តីរីករាយ៕
