មកដល់ពេលនេះ ជុំវិញរឿងរ៉ាវដែលផ្ទុះការវែកញែកខ្លាំង បន្ទាប់ពីតារាចម្រៀងរៀមច្បង យក់ ថិតរដ្ឋា ធ្វើកិច្ចសម្ភាសពាក់ព័ន្ធនឹងការមើលងាយមិនឱ្យតម្លៃពីសិស្សប្អូន ឃើញថានៅមិនទាន់ស្ងប់ស្ងាត់នៅឡើយ ខណៈមានការបន្តចែករំលែក និង បញ្ចេញមតិពីមហាជនលើបណ្ដាញសង្គម ក៏ដូចជាអ្នកសិល្បៈមួយចំនួនជាបន្តបន្ទាប់។
ស្របពេលលើបណ្ដាញសង្គមនៅផ្ទុះការវែកញែកនៅឡើយជុំវិញរឿងរ៉ាវខាងលើ ថ្មីៗនេះ អ្វីកាន់តែធ្វើឱ្យមហាជនផ្ទុះចាប់អារម្មណ៍ ខណៈបានឃើញស្វាមីរបស់អ្នកនាង យក់ ថិតរដ្ឋា គឺលោក ឃុំ ប៉ុណ្ណាដែត បានបង្ហោះសារយ៉ាងភ្ញាក់ផ្អើល ពីដំណឹងថាមានអ្នកចង់ Hack ហ្វេសប៊ុក របស់លោកទាំងគ្រួសារ និង ក្រុមការងារគ្រប់គ្នា ដែលលោកបានផ្ដាំទៅអ្នកចង់ហែកហ្វេសប៊ុកថា ចង់ដឹងរឿងអ្វីអាចឆាតមកទៀតផង។
ក្នុងនោះ លោក ឃុំ ប៉ុណ្ណាដែត បានបង្ហោះរៀបរាប់លើហ្វេសប៊ុកថា ៖ «ចង់ដឹងរឿងអីបានជាមក Hack FB ទាំងគ្រួសារ និង ក្រុមការងារខ្ញុំគ្រប់គ្នាបែបនេះ ចង់ដឹងរឿងអីឆាតមក»៕
