ពិតជារឿងដ៏គួរឱ្យភ្ញាក់ផ្អើល និង សោកស្តាយខ្លាំងណាស់សម្រាប់មហាជនអ្នកគាំទ្រ ក្រោយពីទទួលបានដំណឹងដ៏សោកសៅមួយកាលពីថ្ងៃទី ៣ ខែកុម្ភៈ ឆ្នាំ ២០២៥ កន្លងទៅថាតារាស្រី Barbie Hsu ឬតួអង្គ សាន់ឆាយ ក្នុងរឿង F4 របស់តៃវ៉ាន់ បានលាចាកលោកទៅហើយ។
ក្នុងនោះ តាមព័ត៌មានបានឱ្យដឹងថា Barbie Hsu បានបាត់បង់ជីវិតនៅឯប្រទេសជប៉ុន ដោយសារតែជំងឺផ្តាសាយ និងរលាកសួត ខណៈកំពុងតែដើរលេងកម្សាន្តនៅទីនោះជាមួយគ្រួសារ។ យ៉ាងណាមិញ យោងតាមប្រភព Next Apple បានទម្លាយឱ្យដឹងថា Barbie Hsu មានសុខភាពល្អជាធម្មតានៅពេលនាងធ្វើដំណើរទៅប្រទេសជប៉ុន ប៉ុន្តែពេលទៅដល់ប្រហែល ២ ថ្ងៃ នាងក៏ចាប់ផ្តើមក្អកយ៉ាងខ្លាំង រហូតដល់ទៅជាការរលាកសួត។
នាងត្រូវបានគ្រួសារបញ្ជូនទៅកាន់មន្ទីរពេទ្យដើម្បីសង្រ្គោះបន្ទាន់ក្នុងអាការៈធ្ងន់ធ្ងរ ប៉ុន្តែខាងក្រុមគ្រូពេទ្យមិនបានផ្តល់ឧបករណ៍ជំនួញបេះដូង និង សួតឡើយ។ យ៉ាងណាមិញ មូលហេតុចុងក្រោយនៃការស្លាប់របស់នាង ត្រូវបានគ្រូពេទ្យឱ្យដឹងថា ជាការឆ្លងមេរោគនៅក្នុងឈាម (Sepsis) ។ ដោយឡែក សាកសពរបស់នាងនឹងត្រូវបូជាក្នុងប្រទេសជប៉ុន រួចទើបខាងគ្រួសារនឹងយកធាតុរបស់នាងត្រឡប់ទៅតៃវ៉ាន់វិញ៕
ប្រភព៖ Kenh14
